miércoles, 20 de junio de 2018

FESTIVAL DE FIN DE CURSO E GRADUACIÓNS 2018 CON SORPRESA

Despois dun curso ateigado de proxectos ("A maxia de comunicar"), hoxe celebramos o Festival de Fin de Curso e as Graduacións de Infantil e Primaria no cole.
Queremos despedirnos ata setembro cun vídeo-resumo das actuacións que fixestes e coa despedida da rapazada de 6º de Primaria que xa vai para o instituto.
Desexamos que sexades moi felices nestes máis de dous meses de vacacións que vos quedan por diante e recordade que todo é posible... este ano conseguimos facer un xornal, crear unha radio-tv no cole e acadamos moitos premios que nos deron folgos para seguir traballando.
Queremos darlle unha aperta especial a Carmen Castro, que despois de 34 anos no Carballal, xubílase estes días.
Mirade que corredor de agarimo argallamos o último día de clase... colleuna por sorpresa e... emocionouse!!!


Lede moito Tambeir@s!!!


Temos tamén unha sorpresiña, xa que a dirección do FicBueu, notificounos que o videoclip "A bruxa das Antenas" é un dos catro finalistas da edición 2018.



O sábado 15 de setembro, nunha gala presentada por Paco Nogueiras, saberemos cal foi o gañador da Sección Escolas: Educación Especial, Infantil e Primaria.
Despois da gala haberá un concerto do propio Paco Nogueiras co seu traballo "Radio BuleBule".
Xa pola tardiña temos un obradoiro de interpretación con Nani Matos.
Cando voltemos ás aulas xa informaremos ben de todo pero se queredes cotillear deixamos o link da páxina oficial do FicBueu:

https://www.ficbueu.com/es/

Pechamos o chiringo!!!
Feliz verán!!!

lunes, 18 de junio de 2018

TEATRO E MÚSICA NO RECUNCHO DE TAMBO

Esta mañá, a rapazada de 4ºA de Primaria, sorprendeunos coa interpretación da obra teatral cómica: "El fotógrafo Sisebuto hace fotos en un minuto".
Trátase de outra actividade enmarcada no PDI: "A maxia de comunicar".
Deixámosvos unha mostra na que falta algunha sección, pero que ben serve para facernos unha idea da súa trama.
O público corresponde ao alumnado de 2º de Primaria e de Valores de 6º.
Debido á magnífica capacidade interpretativa destes actores e actrices, prometemos unha gravación de máis calidade para o curso que vén.
Agardamos que vos guste e xa sabedes... hai que ter paciencia!!! 



E Sabela Márquez, de 5º de Primaria, quixo expresarse musicalmente facendo un videoclip-parodia da canción "Sin Pijama".
A idea, gravación e montaxe é obra exclusivamente súa e fíxoa dentro dunha actividade de Educación Musical enmarcada no PDI de este ano.
Agardamos que vos guste!!!

domingo, 10 de junio de 2018

RUXERRUXE NAS ONDAS TV #1: COÑECENDO A FINA CASALDERREY, XIÁN GUTIÉRREZ E CARMEN CASTRO

Hoxe, 14 de xuño, houbo un acto na Biblioteca Municipal de Marín no que proxectamos en primicia o primeiro programa de Tv "Ruxerruxe nas Ondas", do Canal Tambo.
Presentáronno os seus produtores, os alumn@s de Valores de 6º de Primaria, e... houbo cheo até a bandeira!!!
Sen dúbida foi o colofón do PDI proposto polo recuncho de Tambo: "A maxia de comunicar".
Estivo interpretado en lingua de signos, in situ, por Rosa, de EntreSignos.
Contamos coa presenza estelar da madriña da nosa Biblioteca: Fina Casalderrey.
Dentro do programa houbo unha fermosa entrevista na que nos contou, de primeira man, cousas sobre María Victoria Moreno.
Saíu tamén unha estrevista a Xián Gutiérrez, publicidade propia, un consello vial, un videoclip e moitas máis cousas!!!
Como esta data coincidiu coa celebración do "Día Nacional das Linguas de Signos", acudiu Miriam (EntreSignos)... e proxectamos o noso videoclip-curta, producido coa súa axuda: "Xa non teño medo".
Houbo unha sorpresa moi especial e chea de emoción, xa que unha parte do programa, estivo adicada á profe Carmen Castro, que despois de más de 40 anos traballando no ensino (34 deles no Carballal), xubílase nuns días.
Moitísimas grazas a todos e a todas por vir!!!
Aquí podedes visualizar xa o noso primeiro programa de tv:



E aquí o anuncio que fixemos para o evento:

lunes, 4 de junio de 2018

RUXERRUXE NAS ONDAS RADIO #1: XII MERENDA INTERCULTURAL

O pasado martes, día 5 de xuño, celebramos no colexio a XII Merenda Intercultural.
Este ano estivo relacionada co PDI proposto polo recuncho de Tambo: "A maxia de comunicar".
Tivemos moitos obradoiros relacionados: Morse, Braille, Lingua de Signos, mímica, etc.
As actuacións foron de baile moderno, ximnasia rítmica e patinaxe.
Houbo un Museo Piteas instalado na primeira planta e coma sempre, unha decoración impresionante.
Tamén merendamos a escachar coma todos os anos e... tomamos uns zumes moi refrescantes feitos no momentiño!!!
Este ano decidimos non gravar nada en vídeo para deixar unha testemuña sonora en forma de programa de radio... o noso primeiro "Ruxerruxe nas Ondas Radio" que produciron Alejandro e Sabela, de 3º de Primaria.
Agardamos que vos guste!!!



E aquí tedes a versión podcast:

II CARREIRA NA ESCOLA NAVAL MILITAR DE MARÍN

O pasado venres, día 1 de xuño, o alumnado de Primaria acudiu á Alameda de Marín e á Escola Naval Militar para participar na II Carreira organizada polo Concello e que está enmarcada nos actos de celebración do 75 aniversario da Escola de Gardamarinas.
Pasámolo realmente xenial facendo exercicio, xogando cos inchables e aprendendo coas demostracións que nos fixeron.
Agasalláronnos cunha bolsa na que viña unha camiseta, unha medalla, auga e algunha froita...
Mirade que vídeo-resumo máis chulo!!!

miércoles, 30 de mayo de 2018

DÉRONNOS DOUS PREMIOS NO PROXECTO FARO DA ESCOLA

Unha das actividades relacionadas co PDI de este curso foi o proxecto "Faro da Escola".
Grazas a el elaboramos por completo o noso propio xornal que xa está no colexio.
O pasado luns, 28 de maio, déronnos dous recoñecementos polo noso traballo nunha gala celebrada en Vigo e á que acudiu o alumnado de 3º de Primaria cos seus titores.
Podedes estar ben orgullos@s polo traballo!!!
Agardamos que desfrutedes moito mergullándovos nel...



E aquí podedes ver un vídeo con anacos desa gala:

sábado, 26 de mayo de 2018

GAÑAMOS DOUS PREMIOS NOS VIDEOGHIT 2018

Aínda que tiñamos catro traballos audiovisuais con oito nominacións nos Premios Videoghit 2018 en diversas categorías, "Fals'e traedor" acadou dous recoñecementos polo mellor Videoghit de Infantil e Primaria e Ángela, unha das súas protagonistas, o Videoghit á mellor actriz.


A gala foi onte en Silleda e asistiron varios mestres e dous representantes do alumnado: Hernán e Sira.


Esta curta-videoclip xa acadara o primeiro premio no certame VindeVídeos.


Unha vez máis, parabéns ao alumnado de 5º de Primaria en particular e a toda a comunidade educativa do Carballal, en xeral, polas nominacións.
Aquí tedes unha foto dos trofeos, un vídeo da recollida de galardóns e unha notiña de prensa:




martes, 22 de mayo de 2018

ECOPERCUSIÓN

Esta mañá, o alumnado de 5º de Primaria desfrutou dunha actividade musical relacionada coa percusión con material de refugallo impartida por Didier Díaz (ecopercussion@yahoo.es   tf:657290808).
Aprendemos cousas sobre este tipo de instrumentos, fixemos patróns rítmicos simultáneos e executamos exercicios de imitación.
Unha actividade máis para o PDI: "A maxia de comunicar"... con linguaxe musical.
Aquí tedes unha mostra en vídeo:


E aquí a visita que Didier nos fixo hai dous cursos:

NOMINADOS NOS PREMIOS VIDEOGHIT 2018

Un ano máis temos nominacións nos Premios Videoghit, unha fermosa iniciativa do IES Pintor Colmeiro de Silleda que pretende potenciar os videoclips escolares en galego.
Somos finalistas en cinco das sete categorías ás que optabamos e... un premio asegurado!
En total hai 8 nominacións para o Carballal.
A gala de entrega de premios será o vindeiro venres 25 de maio no Auditorio da Feira Internacional de Silleda ás 20:30 horas.
Se queredes acudir con algún familiar podedes facelo, aínda que irán mestres en representación da comunidade educativa que elaborou os videoclips implicados.
Queremos dar mil grazas por este recoñecemento... 
Parabéns rapazada!!!




Mais información na seguinte ligazón:

lunes, 14 de mayo de 2018

LETRAS GALEGAS 2018-PREMIO DE NARRACIÓN-NOVAS OLLOBOI

Hoxe, con tres días de adianto, celebramos no colexio o Día Das Letras Galegas, xa que mañá moi cedo, marcha a meirande parte do alumnado de 1º, 2º e 6º de Primaria coa excursión de final de curso.
Desfrutamos cunha mostra de libros da profe Ángeles asinados pola autora homenaxeada este ano: María Victoria Moreno Márquez.
Acto seguido, contounos algunhas anécdotas, posto que ela e a profe Carmen Castro, foron alumnas súas no instituto.
Para rematar, interpretamos a canción feita no cole e inspirada nos seus versos: "Xa non teño medo".
Acompañámola coa súa coreografía e fixemos o retrouso con lingua de signos.
Recordamos tamén os versos de Carlos Casares e Manuel María co "Casares-Tón" e "Galicia", feitos en anos anteriores.
O alumnado de 5º de Primaria elaborou un mural ben chulo para presidir o acto no que non podían faltar os cans que tanto amaba a autora.
Deixamos unha mostra en vídeo e... feliz "Día Das Letras Galegas 2018" rapazada!!!


Queremos dar mil parabéns a María Moldes que acadou un premio na categoría de 3º e 4º de Primaria por "O segredo das gafas", nos "XV Premios de Narración para Escolares do Concello de Marín".
Seguide escribindo e creando historias!!!
Aquí tedes toda a información nunha nota de prensa:


Para rematar, informarvos que non houbo sorte nos Premios Olloboi...
Tiñamos dous nominados finalistas nas Categorías Peque ("Fals'e traedor") e DJ ("Xa non teño medo").
Os premiados foron "Mareas vivas de Lourizán" e "Piñeiros no xardín" respectivamente.
Deixamos un pequeno vídeo no que aparece música en directo na gala de entrega de premios e unha foto dos profes que recolleron os diplomas co gran Miguel de Lira.

martes, 8 de mayo de 2018

POCAHONTAS E ANTÓN COMODÓN

Esta mañá, o alumnado de 3º, 4º, 5º e 6º de Primaria, presenciou un musical no Teatro Principal de Pontevedra.
A obra representada foi todo un clásico: "Pocahontas".
Contaban cunha equilibrista especialista en cordas e aros pendurados e pasámolo realmente ben.
Aquí tedes un pequeno testemuño da función:


Así mesmo, o alumnado de Educación Infantil, desfrutou, tamén en Pontevedra, da obra de monicreques "Antón Comodón", un home afeito a que lle fagan todo na casa e ao que non lle queda máis remedio que aprender cando perde ao seu sirviente.
Foi moi divertida... 
Mirade un anaco que gravou o profe David:

domingo, 6 de mayo de 2018

FINALISTAS OLLOBOI 2018-INICIATIVA RENFE-ENCONTRO AGA-FERIA DE PROXECTOS PITEAS-COMPETICIÓN DE ROBOTS

Temos cinco novas que contarvos, tambeir@s:

1- O Festival Audiovisual Escolar Olloboi 2018 (fermosa iniciativa na que levamos catro anos participando) xa está aquí...

http://www.crtvg.es/informativos/conta-atras-para-olloboi-o-festival-audiovisual-da-rapazada-3753770

https://www.lavozdegalicia.es/noticia/barbanza/2018/05/03/200-trabajos-optan-olloboi/0003_201805B3C10994.htm

http://www.crtvg.es/informativos/con-ana-moreiras-e-federico-perez-falamos-do-concurso-de-curtametraxes-escolares-olloboi-3738687



Como sabedes, é o que ten maior calado en Galicia e mostra as mellores pezas da canteira.
A gala de entrega de premios será en Boiro (Estaleiros Triñanes) o vindeiro venres, 11 de maio.
Estará presentada por Sabela Hermida e Fede Pérez e contará coa presencia de grandes profesionais como Miguel de Lira ou Andrés Goteira (13 galardóns nos Mestre Mateo por "Dhogs").
Credes que temos algunha peza seleccionada finalista? Mirade a ver...



Acudirán catro mestres representando ao colexio, xa que este ano, por falta de plazas, non poderemos participar con vós nas actividades que se desenrolarán ao longo dese día.
Aquí tedes toda a información, mil parabéns a tod@s e moita sorte!!!

https://www.olloboi.com/

Por se queredes visualizar todos os proxectos finalistas dende a web de Olloboi, aquí tedes os títulos agrupados por categoría:



E aquí un vídeo-resumo da experiencia do ano pasado no Olloboi:


2- Neste 2018, coma en anos anteriores, Renfe desenvolve unha iniciativa para dar proxección ao Día das Letras Galegas.
Acaban de comunicarnos que o noso traballo audiovisual "Xa non teño medo" proxectarase nos trens Coruña-Santiago-Vigo e Coruña-Santiago-Ourense. Estará tamén nos monitores de nove estacions de Galicia.

http://www.edu.xunta.gal/portal/es/node/24486

Xa que é unha actividade común do cole... parabéns a tod@s!!!


3- O pasado venres 27 de abril, houbo un encontro na Coruña entre os membros da Academia Galega do Audiovisual e os docentes que imparten esta materia ou a empregan como ferramenta educativa.
O Carballal foi convocado pola proxección do noso proxecto audiovisual de centro:

https://www.youtube.com/channel/UCUuAbPwbwdqAojJetelJ4Tg


Acordáronse varias iniciativas que se irán desenvolvendo por grupos de traballo e que moi pronto coñeceredes. 
Igual para o ano que vén xa existe unha sección escolar nos Premios Mestre Mateo...
Aquí podedes ver toda a información e algunhas fotos:


4- O venres 4 de maio, celebrouse en Santiago a Feira de Proxectos Piteas, na que participou o noso centro, como integrante desta iniciativa da Fundación Barrié e a Consellería de Educación.
Deixamos unha instantánea do evento e dúas ligazóns, para que vexades a noticia na prensa:




5- Para rematar, comentar que ese mesmo día, o alumnado de 5º de Primaria acudiu con rapazada do IES Mestre Landín á Facultade de Enxeñería Industrial da Universidade de Vigo para participar nunha competición de robots.


Aquí podedes mirar unha nota de prensa con máis información:

miércoles, 2 de mayo de 2018

DÍA MUNDIAL CONTRA O ACOSO ESCOLAR

Hoxe, 2 de maio, é o Día Internacional contra o acoso escolar ou bullying.
Podedes pasar polo recuncho de Tambo e buscar libros relacionados con esta temática.
Mentres non vos achegades, mirade esta curta realizada por exalumn@s na materia de Valores.

martes, 1 de mayo de 2018

MAIOS E EMBARCACIÓNS 2018

A pasada semana desfrutamos moito, no recuncho de Tambo, cunha charla didáctica impartida por Celso Méndez e Julio Santos (Ateneo Santa Cecilia) sobre os Maios e Embarcacións no Concello de Marín: construción, melodía, coplas, coroa, etc.
Propuxéronnos, ademais, un concurso de debuxo sobre esta temática.


Trouxeron moitas fotografías enmarcadas deste evento ao longo dos anos no noso concello.
Empregámolas para ateigar os corredores e aprender algo de cultura e tradición.


Moitos nen@s do cole animáronse a participar nesta festa ancestral cos Maios "San Xulián" e "Landeiras" e anotáronse ao concurso que o Ateneo celebra dende 1953 e que pretende potenciar coa axuda de tod@s.
Levaron moitos premios e merendaron rosca, chocolate e caramelos...
Escoitáronse coplas ben divertidas e incluso houbo un Maio de Rois.
Por certo, hoxe tamén tería cumprido 79 anos, a homenaxeada polo Día das Letras Galegas 2018: María Victoria Moreno.
Deixamos unha pequena mostra do que aconteceu durante o día en Marín.
Feliz Maio tambeir@s!!!



E para rematar, deixamos unha ligazón para escoitar a canción "O maio" (con letra de Curros Enríquez e música de Luis Emilio Batallán).
Cando remate podedes deixar prendido o reprodutor e desfrutar do disco máis vendido da historia en lingua galega. 

sábado, 28 de abril de 2018

SEMANA DO LIBRO 2018

O pasado luns 23 de abril foi o "Día do Libro" e no C.E.I.P. Do Carballal de Marín quixemos festexalo a rabear cunha semana ateigada de actividades para todo o alumnado, como non, a carón dos libros.
Comezamos cunha representación teatral de "Leonardo e os fontaneiros" (María Victoria Moreno) á que acudiron outros centros do concello e que organizou o ENDL coa colaboración da Editorial Galaxia.
Para ese mesmo día e para o resto da semana, o recuncho de Tambo, tíñanos moitas sorpresas argalladas...
O alumnado de 5º de Primaria deleitounos cuns monólogos ben diverdos.
Tivemos dúas sesións de lectura ao aire libre (Hoxe no patio libro) e outras dúas de apadriñamentos lectores (Padriños lectores).
E puidemos desfrutar do espectáculo do Mago Paco co que rimos a escachar!!!
Podedes mirar aquí un resumo en vídeo do programa .
Feliz Día do Libro a tod@s!!!


E aquí un vídeo máis extenso da actuación do Mago Paco gravada polo mestre David na sesión que adicou a Educación Infantil!!!

martes, 17 de abril de 2018

XA NON TEÑO MEDO

A falta dun mes para o Día das Letras Galegas, aquí tedes rematada unha das nosas actividades comúns argalladas para conmemorar esta data tan sinalada.
Aínda que tivemos que loitar contra a meteoroloxía e contra unha epidemia de varicela, conseguimos producir un videoclip con música propia no que aparece o 99% do alumnado e moita representación da comunidade educativa do noso cole (342 persoas).
Aprendemos o retrouso da canción en lingua de signos e tamén unha sinxela coreografía elaborada pola profe Paloma.
A letra, como non, é de María Victoria Moreno e a música do mestre de Música.
Queremos agradecer a colaboración de https://www.entresignos.com/ e da https://www.facebook.com/apacarballal.carballal.
A desfrutar tod@s con "Xa non teño medo"...


Deixamos tamén os videoclips que fixemos nos dous cursos pasados, cuxos textos corresponden a Manuel María e Carlos Casares...



Logo de detectar un pequeniño fallo de sincronización de audio e vídeo, deixamos aquí unha versión máis perfeccionada... xa para frikis!!!

martes, 3 de abril de 2018

PIPI MEDIASLONGAS

O venres, día 6 de abril, de 12:00 a 12:50 horas, tivemos unha nova xuntanza do Club de Lectura no recuncho de Tambo.


Nesta ocasión, debatimos en torno ao famoso libro que a Editorial Kalandraka vén de traducir ao galego: "Pipi Mediaslongas".
Na seguinte ligazón podedes ler o primeiro capítulo:

https://issuu.com/kalandraka.com/docs/pipi-mediaslongas-g


Tamén podedes visualizar a adaptación televisiva que marcou a moitas xeracións de rapaces e rapazas... por algo será, non?



A vindeira reunión será o venres 4 de maio e o protagonista será este fermoso libro...

martes, 27 de marzo de 2018

MATEMAXIA

O Mago Paco estivo hai un par de semanas estreando o seu último espectáculo coa rapazada de 5º de Primaria.
O título é moi suxerente: "MateMaxia"...
Se tedes a oportunidade de miralo, non o dubidedes un intre!!!
Deixamos aquí unha pequena mostra.
Felices vacacións a tod@s!!!

viernes, 23 de marzo de 2018

CONCERTO DE PACO NOGUEIRAS

Temos unha ANPA no colexio digna de mención...
O pasado xoves, 22 de marzo, organizou unha serie de actividades para a rapazada que pode resumirse no seguinte cartaz:


Como sabedes, o traballo "Radio BuleBule" de Paco Nogueiras, está sendo empregado no noso PDI: "A maxia de comunicar".
Aquí tedes un anaco da actuación de onte que correspondeu ao disco: "Brinca Vai".

TAMBOEXPERIMENTOS

Hoxe queremos recordarvos que existe unha entrada neste blogue titulada "O recuncho da Ciencia", na que o alumnado de 5º de Primaria expón, por medio de vídeos ilustrativos, unha serie de experimentos caseiros que fan grazas aos fondos da nosa Biblioteca Escolar.

http://recunchodetambo.blogspot.com.es/2017/11/o-recuncho-da-ciencia.html

Deixámosvos con Nicolás e Mario mostrando os seus: "A serpe de cinza" e "Neve caseira".


Acudide ao recuncho de Tambo e buscade eses libros tan interesantes remexendo por estes recantos!!!

jueves, 22 de marzo de 2018

TABOLEIROS DE XADREZ PARA XORDANIA

Onte tivemos unha despedida moi emotiva no colexio...
O mestre Yeray marchou hoxe a Xordania en labor humanitaria.
Acude ao campo de refuxiados sirios de "Azraq" coa ONG Acnur e coa Escola de Xadrez Pontevedra.


O alumnado de 5º de Primaria elaborou uns taboleiros que Yeray entregará a nen@s dese campo de refuxiados e cos que poderán aprender a xogar.


Agardamos que o profe nos traia moitas cousas que contar aínda que hoxe por videoconferencia xa lle narrou ao alumnado de 6ºA a realidade do país... estamos orgullosos de ti!!!

SEMANA DA NARRACIÓN ORAL

Coincidindo co Día Internacional da Narración Oral, esta semana desfrutamos de dúas actividades ben divertidas no recuncho de Tambo.
A primeira, consistiu na narración oral de contos por parte dos axudantes de biblioteca de 5º e 6º de Primaria a todo o alumnado do colexio.
A temática estivo relacionada coa que o Salón do Libro Infantil e Xuvenil de Pontevedra emprega este ano: "Mulleres de conto".
Aquí temos unha foto dunha das sesións impartidas en 4º.


A segunda actividade, consistiu na visita do gran Anxo Moure que , en tres sesións diferentes, presentou á rapazada de 1º, 2º e 3º de Primaria, o seu traballo: "O carballo con botas".

lunes, 19 de marzo de 2018

SALÓN DO LIBRO DE PONTEVEDRA 2018

O Salón do Libro Infantil e Xuvenil de Pontevedra está xa cos derradeiros arranxos de ambientación para comezar a súa andaina de este ano (6-29 de abril) co tema: "Mulleres de conto".
O traballo de "Paspallás", coma sempre, nótase ben!!!
Os produtos escolares comezan a inundar as salas...
Aquí tedes o que realizamos no Carballal:



Logo de visitar todo o alumnado o Salón do Libro deixamos un resumo co alumnado de 5º de Primaria!!!

martes, 6 de marzo de 2018

MARÍA VICTORIA MORENO

Achégase o Día das Letras Galegas e este ano queremos levar a cabo outro proxecto audiovisual común baseado nun poema-conto da homenaxeada deste ano: María Victoria Moreno.
Moi pronto daremos pautas para comezar coa rodaxe, a gravación de audio, os ensaios, etc.
Mentres podedes aprender o texto sobre o que imos traballar:


XA NON TEÑO MEDO!

Eu durmo na bufarda
porque son malo,
porque esperto de noite
e porque falo.
Mais mamá dixo
que podía chamala
de ser preciso.

Anque os primeiros días
pasei ben medo
coas sombras, cos ruídos
e co silencio...
Souben axiña
que a noite é unha festa
moi divertida.

No armario máis pequeno
teño tres gatos,
un canciño de seda
e dez lagartos.
Dormen de día
e polas noites
traman mil ousadías.

Cando a nai mata as luces
nace un silencio
redondo, escuro…
mais non dá medo!
Cómpre afacerse...
faíscas e máis voces
logo aparecen!

O reloxo da sala
óese ao lonxe...
agardo entre sabas
que cante as doce,
para que saian
os diabriños que viven
na miña casa!


Aquí tedes o retrouso en lingua de signos grazas á colaboración desinteresada de Miriam de "EntreSignos" para que practiquedes na casa.
Unha actividade fermosa para o noso PDI: "A maxia de comunicar"... que pretende romper barreiras, fomentar un mundo igualitario e facer chegar o noso vindeiro videoclip a máis xente!!!

https://www.entresignos.com/


E por último deixamos a coreografía que realizará o alumnado de 1º de Primaria e que argallou a rapazada de 6º coa profe Paloma... a ensaiar!!!

lunes, 5 de marzo de 2018

A BRUXA DAS ANTENAS

O alumnado de 4º de Primaria vén de publicar un videoclip baseado nun conto de medo da alumna Martina María Carrillo Juncal logo dunha rodaxe un tanto complexa...


Como sabedes, foi o traballo gañador no concurso organizado polo ENDL durante o 1º trimestre e o premio consistía na súa transformación audiovisual.



Por primeira vez no Obradoiro de Audiovisuais, fixemos unha versión propia dun tema moi coñecido: "Pumped up Kicks" (Foster the People)... e empregamos algúns efectos especiais.
Queremos darlle as grazas especialmente a Marina (ANPA "Viñas Blancas") pola súa colaboración, a Manolo por baixarnos a antena do tellado e a todas as familias que se implicaron cos disfraces.
Xa temos unha actividade máis para o PDI: "A maxia de comunicar"...
A desfrutar coa "Bruxa das antenas"!!!


Se queredes escoitar tamén a canción orixinal que nós adaptamos, aquí a tedes:

miércoles, 28 de febrero de 2018

MENSAXE DE GUADI GALEGO

Este ano estamos a desenvolver un proxecto común que xira en torno aos medios de comunicación: "A maxia de comunicar".
Xa empregamos a correspondencia, o xornal, a radio, a televisión, a transmisión oral directa... e hoxe imos experimentar coas mensaxes enviadas por plataformas dixitais.
Recibimos, no recuncho de Tambo, un vídeo por Whatsapp da artista Guadi Galego para toda a rapazada do Carballal que está cargadiño de agarimo...
Fálanos da interpretación musical do seu tema "Quixera" que executamos o Día da Paz.
Un millón de grazas Guadi Galego!!!


E aquí tedes un recordo dese día!!!

martes, 27 de febrero de 2018

SAÍDA A SAN SIMÓN

O alumnado de 5º de Primaria acudiu hoxe ao Museo do Mar de Galicia a recoller o 1º premio do Certame VindeVídeos do que xa falamos neste blogue en numerosas ocasións.
Se premedes nas seguintes ligazóns poderedes ver a noticia no Telexornal e no programa "Zig Zag" da TVG:

http://www.crtvg.es/informativos/o-certame-vindevideos-recibe-40-traballos-de-centros-escolares-galegos

http://www.crtvg.es/informativos/o-colexio-publico-o-carballal-de-marin-e-o-instituto-francisco-asorey-de-cambados-premios-vindevideos-3661409

A gala incluiu unha visita guiada na que aprendemos moito da Idade Media e que nos permitiu ver o Pergamiño Vindel.
O mellor foi a excursión á illa de San Simón.
Bueno... e que trouxemos unha nova cámara para o cole!!!
Deixamos un vídeo cun pequeno resumo deste fermoso día e con el, queremos agradecer as primeiras 100.000 visualizacións na nosa canle de Youtube!!!
Apertas tambeiros/as!!!


E mirade que vídeos máis chulos editou o profe Yeray deste mesmo día...


lunes, 26 de febrero de 2018

DÍA DE ROSALÍA

O pasado sábado 24 de febreiro celebrouse o "Día de Rosalía" na honra da célebre escritora Rosalía De Castro que naceu hai 181 anos.
Tambo enviou a cada aula do colexio unha fermosa carta cun poema de Rosalía para traballar na clase.


Tamén seguimos as pautas do Equipo de Dinamización da Lingua Galega do Morrazo e enchemos os corredores e ventanas con debuxos para a ocasión.



O alumnado de 2ºB fixo ademais unha actividade audiovisual, plástica e con recitado.


Podedes desfrutar tamén con este videoclip realizado por nenos/as de 3 anos do C.E.I.P. A Pedra de Bueu que está baseado nun fragmento de "Cantares Gallegos".