TAMBONOTICIAS DE BENVIDA

Benvidos ao curso 2017-2018 dende o recuncho de Tambo!!!

Temos un feixe de noticias que contarvos, así que lede con atención:

Este ano imos desenrolar o PDI "A maxia de comunicar", relacionado cos medios de comunicación.

Crearemos unha Radio-Televisión no cole cun magazine audiovisual con: noticias, música, entrevistas, publicidade, etc.

O nome será "Ruxerruxe nas ondas" e xa estamos a traballar no seu himno e creando o seu plató de gravación.

Tentaremos facer un episodio trimestral se todo vai ben.

Nestes momentos estamos seleccionando entre o alumnado o logo e o nome que levará esta canle de tv escolar.

Moi pronto saberemos cal será...

Unha das actividades relacionadas con este proxecto será o vindeiro venres 6 de outubro xa que recibimos unha boa nova: o Festival de Cine de Santiago de Compostela (CurtoCircuíto) vai empregar a Olloboi como referente da súa Sección Canteiras e invítanos, por ser un dos gañadores da edición pasada, a un programa de radio.

A rapazada que elaborou o videoclip "O cole que queremos" cantará en directo e será entrevistada no programa "El séptimo vicio" de Radio3 presentado por Javier Tolentino. 

Xa informaremos sobre o día de emisión...

Recibimos xa as invitacións para asistir á gala de entrega de premios do Emove Festival para recoller os dous galardóns que acadamos con "Casares-Tón" e "O cole que queremos" na sección videoclips, que será este sábado en Madrid.

Deixamos unha ligazón onde podedes ver a presentación en TVE da Directora do Festival dentro do programa "La aventura del saber"(no minuto 6:10):

http://www.rtve.es/alacarta/videos/la-aventura-del-saber/aventura-del-saber-27-09-17/4241716/

E por último recordade este consello de Tambo:

ACTIVIDADES DE CINE NO FICBUEU

O alumnado de 4º de Primaria que este curso comeza coa materia de Audiovisuais, fixo hoxe unha saída ao FicBueu (Festival Internacional de Curtas de Bueu) para motivarse coa nova andaina.
Desfrutaron da proxección de 8 curtas de diversos países como Francia, Italia ou Rusia.

As curtas foron seleccionadas pola organización e pertencen ás Seccións Infantil e Xuvenil.
A que máis nos gustou foi: "A nosa marabillosa natureza: o camaleón común".

Ao rematar fixéronnos unhas fotos de grupo e merendamos nun parque moi chulo preto do mar que conta cunha fonte na que xogamos moito.

Deica o ano que vén FicBueu!!!

Podedes seguir o festival polas redes sociais premendo na seguinte ligazón:

https://www.facebook.com/fic.bueu/

GALA FICBUEU 2017 E MERCADILLO EMOVE

Esta mañá asistimos á Gala de Premios da Sección Escolas do FicBueu 2017 onde recollemos o noso recoñecemento como finalistas polo videoclip "O cole que queremos".
Mil parabéns a todos os gañadores e á organización do festival por un cartel de actividades realmente brillante...
Máis información na ligazón do Facebook do FicBueu: 

https://www.facebook.com/fic.bueu/

http://ocio.farodevigo.es/cine/noticias/nws-612357-astral-cousas-vellos-a-chave-6000-presos-premios-centros-educativos.html

E durante todo o día de hoxe temos un stand no Mercadillo de Marín onde se están a vender obxectos novos e de segunda man para recaudar fondos para a viaxe a Madrid na que recolleremos os dous premios que obtemos no Emove Festival de caracter estatal polos videoclips "O cole que queremos" e "Casares-Tón".
Animádevos que aínda quedan cousas!!!

FIC BUEU: SOMOS FINALISTAS!!!

Acaban de comunicarnos dende o FIC Bueu (Festival Internacional de Curtas de Bueu) que o noso centro é finalista co videoclip "O cole que queremos" na Sección Escolas.
O traballo será proxectado co resto de finalistas o vindeiro domingo 10 de setembro ás 11:00 horas no Centro Social do Mar de Bueu e acto seguido a organización desvelará cal é o gañador.
A rapazada implicada (4º de Primaria do curso 2016-2017) pode asistir coas súas familias a este acto pero debe facer unha reserva con anterioridade chamando ao teléfono do colexio a partir do día 1 de setembro xa que hai un aforo limitado.
Ao longo do día haberá unha serie de actividades culturais para os máis pequechos: O Mago Paco co espectáculo "O Cinematómago", proxección dunha selección de curtas da Sección Familiar e "Contos de película" con Olalla González.
Podedes ver máis información premendo na seguinte ligazón: 

https://www.ficbueu.com/es/escolas/

Moitos parabéns e sorte!!!

EMOVE FESTIVAL: ACADAMOS DOUS PREMIOS!!!

Hoxe recibimos boas novas dende o Emove Festival, un certame audiovisual destinado a todos os centros educativos de España e Andorra.
O noso cole foi gañador cos videoclips "O cole que queremos" (4º de Primaria do curso 2016-2017) e "Casares-Tón" (5º e 6º do curso 2016-2017).
Estamos moi orgullosos de que dous traballos en galego foran recoñecidos nun concurso nacional.
A gala de entrega de premios será o vindeiro sábado 30 de setembro no Teatro Lope de Vega de Madrid.
O noso centro ten reservadas 50 entradas.
Iremos informando da organización da viaxe e aloxamento para valorar se hai posibilidade de asistir.
Deixamos algúns vídeos e ligazóns pendurados sobre este acontecemento e... moitos parabéns a todos/as os implicados/as!!!

https://www.facebook.com/emovefestival/

http://emovefestival.com/ (Aquí podedes descargar unha app para Android ou iOS).

http://www.farodevigo.es/portada-pontevedra/2017/07/30/carballal-gana-goyas-audiovisual-escolar/1725277.html

VIDEOCONFERENCIA CON CONNECTICUT

Unha representación de alumnos/as de 5ºA de Primaria realizaron na tarde de onte (12/07/2017) unha videoconferencia con EE.UU.
Fixeron unha explicación detallada dunha das actividades que levaron a cabo dentro do Programa Piteas, para mestres e mestras de Connecticut.
Trátase da creación dunha empresa de fabricación de xabróns naturais.
Tédela aquí completa por se queredes botar unha ollada!!!

FELIZ VERÁN!!!

Este foi un ano ateigado de proxectos no colexio que entre todos/as conseguimos rematar...
Dende o recuncho de Tambo queremos despedirnos ata o curso que vén cun resumo do Festival tan marabilloso que fixestes... 

A rapazada de 6º de Primaria, que nos deixa para comezar unha nova etapa, agasallounos con esta actuación chea de ritmo...

Os nenos/ de 2º de Primaria celebraron o derradeiro día de curso na Piscina Municipal grazas aos cartos que gañaron vendendo os seus almanaques do invernadoiro durante a Merenda Intercultural e os/as pequechos/as de Educación Infantil celebráronno con xogos ao aire libre...

Mirade que ben o pasaron!!!

Despedimos á profe Carmen Otero que despois de 12 cursos, nos que pasou por Infantil e por Primaria, déixanos para comezar unha nova andaina en outro centro escolar.

Recibiu un fermoso agasallo e un videoclip cargado de humor e agarimo...

Recibimos tamén un disco adicado a toda a rapazada do Carballal nesta semana.

Trátase de "Son da Memoria" de Seso Durán (tío de dúas alumnas do cole: Telma e Iria).

Nel aparece o son do noso patio de recreo, xustiño ao final da canción titulada "Todo".

Igual recoñecedes a vosa voz...

Se queredes escoitar o traballo completo, mirar algún videoclip, ver fotos do proceso de gravación e moitas cousas máis, clicade na seguinte ligazón:

https://sesoduran.wixsite.com/sondamemoria

E recordade aplicar cremiña para o Sol... 

Faime casiño e non sexas mamalón!!!

Animádevos a ler durante o verán como fan en este centro de Guitiriz...

Feliz verán e lede moito na praia!!!

QUEN É FINA?

O alumnado de 5ºB  de Primaria fixo un marabilloso traballo ao longo do curso que queda patente neste produto final realizado baixo as premisas do Proxecto Piteas.
Trátase dun cómic sobre a nosa madriña de biblioteca: Fina Casalderrey.
Comiqueamos?
Animádevos e vide lelo!!!

Deixamos tamén o vídeo da visita que Fina nos fixo no segundo trimestre...

PREMIOS OLLOBOI 2017: GAÑAMOS!!!

O pasado venres, día 9 de xuño, os nenos/as de 4º de Primaria, tiveron unha cita apaixoante en Boiro, no Encontro Olloboi, que xa é o referente do audiovisual escolar galego.

http://www.culturagalega.org/noticia.php?id=27588

Tivemos actividades sobre gravación de curtas pola rúa durante a mañá e aprendemos moitísimo con profesionais da talla de Miguel de Lira. Fixemos tamén un traballo de investigación no mercado da vila.

Déronnos unha mención especial polo noso traballo realizado ao longo do día e quedamos encantados.

Despois do xantar presenciamos varias proxeccións didácticas e algunha estrea nos Estaleiros Triñanes de Cabo de Cruz para presenciar logo, unha fermosa gala con música en directo.

Non imaxinabamos que o premio ao mellor traballo de Primaria desta edición fora para nós pero así foi... "O cole que queremos" tivo o seu recoñecemento e queremos compartilo co noso compañeiro Álvaro que por motivos de saúde non estivo en Boiro e tamén co resto de participantes.

Deixamos catro vídeos cun resumo do día e... seguimos a pensar que o audiovisual é unha potente ferramenta educativa!!!

Grazas a Olloboi por esta experiencia inolvidábel...

Aquí tedes unha nota de prensa: 

http://www.lavozdegalicia.es/noticia/cine/2017/06/10/salto-nivel-goya-gallegos-audiovisual-escolar/0003_201706B10C2992.htm

E aí van dúas ligazóns con fotos: 

http://www.lavozdegalicia.es/album/barbanza/boiro/2017/06/09/festival-audiovisual-olloboi-imagenes/01101497043217190150713.htm

https://www.flickr.com/photos/150368711@N05/sets/72157682965923470

Máis información en: http://olloboi.com/

XI MERENDA INTERCULTURAL

Hoxe, 30/05/2017, celebramos no cole a tradicional "Merenda Intercultural" na que tamén participa O recuncho de Tambo.
Tivemos presentación de proxectos pola mañá para todas as familias e xa pola tarde desfrutamos da actuación dun mago, da oratoria da rapazada e dunha marabillosa merenda ateigada de sorrisos e moitos recordos...
Deixamos unhas fotiños, unha nota de prensa e... agardámosvos o ano que vén!!!

http://www.farodevigo.es/multimedia/fotos/galicia/2017-05-30-93737-carballal-colegio-

cosmopolita.html

ENCONTRO OLLOBOI 2017: 9 DE XUÑO (BOIRO)

Aínda que non o pareza xa levamos tres anos sendo cómplices da "Rede Olloboi" que pretende dar recoñecemento e difusión ao audiovisual escolar galego.

Este ano preséntannos unha xornada de encontro de luxo que se celebrará o vindeiro venres 9 de xuño en Boiro co seguinte cartel de actividades:

A gala de entrega de premios será ese mesmo día.
Como sabedes, este ano enviamos sete traballos ao concurso e estamos nominados con "O cole que queremos", realizado polo alumnado de 4º de Primaria no Laboratorio de Audiovisuais.

Na presente edición, a xornada de encontro estará vinculada á formación audiovisual do alumnado con profesionais galegos e ao intercambio de experiencias entre docentes que desenrolan un proxecto audiovisual nun centro educativo. 

Acudiremos co alumnado de 4º de Primaria e seguro que o pasamos xenial!!!
Elaboraremos unha pequena curta ao longo da mañá e teremos moita diversión pola tardiña.
Dende logo, é como para non perderse esta oportunidade:

Se queredes mirar os vídeos presentados nesta edición, descubrir o novo material "Aprende con Olloboi", mergullarte nos vídeos de edicións anteriores e moito máis, clicade na seguinte ligazón: http://olloboi.com/

TRABALLO SOBRE MARUXA MALLO

Hoxe recibimos no recuncho de Tambo un marabilloso traballo de investigación e oratoria sobre Maruxa Mallo realizado polo alumnado de 2º de Primaria.
Parabéns rapazada!!!

PREMIOS VIDEOGHIT 2017

Chéganos unha boa nova dende Silleda...
Algúns dos traballos audiovisuais producidos no colexio que foron enviados a este concurso de videoclips escolares, foron seleccionados finalistas.
Como sabedes, esta fermosa iniciativa, organizada polo I.E.S. Pintor Colmeiro de Silleda, pretende dar recoñecemento á rapazada que traballa con música e vídeo no ámbito escolar.
Das seis categorías ás que optabades... sodes finalistas en cinco... e con varios vídeos diferentes!!! 
Parabéns a todos/as e moita sorte!!!
A gala de entrega de premios será este venres día 26 de maio ás 20:30 no Auditorio da Semana Verde de Silleda e irán algúns representantes do colexio.
Deixamos o listado de nominados:

Se queredes ver todos os traballos presentados e toda a información adicional, podedes facelo premendo na seguinte ligazón: https://sites.google.com/site/eticolmeiro/

Despois dunha fermosa gala en Silleda, dende o recuncho de Tambo, queremos dar moitísimos parabéns aos nenos/as de 4º de Primaria que recibiron o Videoghit ao mellor vestiario e maquillaxe por: "O monstro de cores".

E para o resto do alumnado tamén enviamos felicitacións por ter sido finalistas... 
Grazas polo recoñecemento I.E.S. Pintor Colmeiro!!!

Aquí tedes algunhas notas de prensa: 

http://www.lavozdegalicia.es/noticia/deza/silleda/2017/05/27/ies-pintor-colmeiro-otorgo-premios-videoghit-2017/0003_201705D27C9991.htm

http://pontevedraviva.com/xeral/37053/premio-para-monstro-de-cores-colexio-carballal/

http://www.farodevigo.es/portada-o-morrazo/2017/05/30/ceip-carballal-galardonado-edicion-premios/1688874.html

ACTIVIDADES SEM PARA "O COLE QUE QUEREMOS"

Como sabedes, este curso argallamos multitude de actividades destinadas ao PDI que a biblioteca propuxo: videoclips, curtas, Entroido, maqueta para o Salón do Libro, etc.
Deixamos nestes vídeos algunhas delas que seguen a metodoloxía SEM que estamos a traballar no Programa Piteas da Fundación Barrié.
Agardamos que vos gusten!

Aquí temos a Rubén, de 2º de Primaria, explicándonos todo o que é preciso saber dun telégrafo e máis dunha lámpada.

O que mirades fíxoo co seu avó, mariñeiro xubilado.

Mil parabéns Rubén!!!

https://vimeo.com/219599728

E Fadwa demóstranos unha vez máis que vai ser unha boa cantante... xa é!!!

Seguimos a detectar novos talentos musicais entre o alumnado do Carballal... como Pedro, Juan, Antía e Roque.

Animádevos e vide gravar!!!

Deixamos neste vídeo unha actividade tipo 1 de motivación co alumnado de Educación Infantil.

O alumnado de 4ºB de Primaria enviou estas mensaxes ao seu compañeiro Álvaro, recentemente operado do corazón.

Unha fermosa actividade de comunicación audiovisual e oratoria!

Despois de traballar na aula os grandes grupos de música en 6º de Primaria, Iago sorprendeunos con esta prenda na súa indumentaria.

"CHEA DE VIDA"

Mirade que fermosa iniciativa realizada dentro dun programa de formación do profesorado sobre coro escolar.

Mil nenos e nenas cantan a unísono, seguindo a guitarra de Guille Fernández, o tema de Guadi Galego: "Chea de Vida".

Mil parabéns a todos os implicados!!!

"CAMIÑANDO AO COLE SEGURIÑO"

Hoxe desenrolamos unha actividade SEM tipo 3 para o noso PDI: "O cole que queremos".
Como sabedes, este tipo de tarefas que estamos a aprender os mestres/as do cole dentro do Programa Piteas da Fundación Barrié , son produtos obtidos a partires dun proceso.

Trátase dun rap con letra reivindicativa e coreografía coa que hoxe, en directo, solicitamos á Sra. Alcaldesa, melloras viais para o cole.
Explicámoslle todo a través dunha maqueta a escala que elaboramos, do colexio e da súa contorna.
Fixemos tamén un discurso persuasivo e un turno de preguntas e respostas que rematou cun making-off de todo o proceso.
Para acudir ao Concello fixemos unha marcha camiñando e en bicicleta.

Aquí tedes un ensaio previo de "Camiñando ao cole seguriño"...

DÍA DAS LETRAS GALEGAS 2017

Hoxe celebramos no cole o Día Das Letras Galegas 2017 homenaxeando a Carlos Casares.
Fixemos unha actividade común no patio na que aprendemos cousas da súa biografía, recitamos un poema, cantamos e bailamos o noso "Casares-Tón" co que levamos a traballar, xunto con outras actividades, dende xa hai uns mesiños...
Deixamos un vídeo para que vexades que ben o fixestes todos/as!
Feliz día da nosa lingua rapazada!!!

E se queredes aprender algo máis sobre a vida de Carlos Casares a ritmo de rap, mirade este vídeo tan chulo que fixo o alumnado do C.P.I. De Mosteiro (Meis).

LOITANDO POLO PROXECTO "ESCORNABOTS"

Unha vez máis, o noso cole, non foi seleccionado para ser centro piloto do proxecto "Escornabots".
Como sabedes, este plan dota aos colexios dos materiais e formación necesarios para desenvolver un programa educativo cuxa ferramenta é o robot.
No Carballal estase a traballar nesta liña en Educación Infantil por parte do mestre David Rodríguez Vila (5 anos) que desenvolve, co seu robot persoal, traballos co alumnado tan impresionantes como estes dous que amosamos nos vídeos.
Agardamos que a administración o teña en conta e poidamos entrar nun futuro próximo neste fermoso proxecto adaptado aos tempos que corren.
Mil parabéns a ese mestre e eses nen@as!

A ÚLTIMA MOEDA

Da man da nosa madriña, Fina Casalderrey, chéganos esta marabilla audiovisual de 20 minutos que non deixará de sorprendervos.
En breve proxectarémola para todo o alumnado do colexio e faremos un pequeno debate.
Mil parabéns para todo o persoal que colaborou no proxecto!
Premendo na seguinte ligazón podedes ollala na súa versión sd que é de balde. Nós, no centro, mirarémola na versión hd para colaborar coa continuidade creativa da produtora.

http://piruletavermella.com/

XOGO DE NEN@S

Continuamos coas actividades relacionadas co Día das Letras Galegas 2017.
Nesta ocasión presentamos un vídeo argallado de forma común polos Equipos de Dinamización Lingüística do noso centro, do I.E.S. Mestre Landín e do C.E.P. Sequelo coa colaboración do recuncho de Tambo.
Trátase dun pequeno xogo no que debes escoitar ben as pescudas e tentar adiviñar o título dunha obra de Carlos Casares, o homenaxeado na edición deste ano.
Son dez diferentes pero... andade con tino porque dúas repítense...
Cada acerto será un punto e podedes facer competicións.
Moita sorte a todos/as!!!

"CASARES-TÓN" (Videoclip)

Continuamos coa andaina comezada o curso pasado consistente en instrumentar un poema do autor homenaxeado no Día das Letras Galegas.
Este ano correspóndelle a Carlos Casares e argallamos un videoclip que pretende mesturar a súa literatura con valores, movemento, música e moita diversión.
Traballamos arreo durante dous meses e participamos todos os membros do colexio.
Recibimos os parabéns da nosa madriña de biblioteca: Fina Casalderrey... e sentímonos moi agradecidos.
Dous mestres do cole foron explicar o proceso de creación ás Xornadas na honra a Carlos Casares de Ourense convocadas pola Consellería de Educación.

Incluso a prensa estivo no cole para facernos unha entrevista: 
http://galego.lavozdegalicia.es/noticia/pontevedra/marin/2017/05/05/span-langglpoesia-ritmo-spanspan-langglcasares-tonspan/0003_201705P5C6991.htm

E saímos na radio: 

A actividade podedes atopala pendurada en varios lugares:

-No Portal da Lingua: http://www.lingua.gal/o-galego/promovelo/dia-das-letras-galegas

-Na páxina da Fundación Carlos Casares: http://fundacioncarloscasares.org/

-Na páxina da R.A.G. "Primavera das Letras": http://primaveradasletras.gal/

- No concurso Videoghit: https://sites.google.com/site/eticolmeiro/

-No facebook dos Premios Olloboi 2017.

Aquí tedes o resultado: "Casares-Tón".
Agardamos que vos guste e deixamos tamén pendurado o videoclip do pasado curso!!!

         

23 DE ABRIL: DÍA DO LIBRO

O pasado domingo, 23 de abril, celebrouse o Día do Libro.
Na semana do 17 ao 21 de abril realizamos unha serie de actividades no colexio que conmemoraron esta importante data no seo das bibliotecas escolares.
Adicámola por completo a un libro moi importante: "O Quixote".
Traballamos con fichas sobre o autor, debuxamos algunha escea, visualizamos libros electrónicos coa súa adaptación infantil, fixemos fotografías ambientadas na época e o profesorado fíxonos unha interpretación maxistral cos personaxes.
Tivemos tamén a visita dun mago marabilloso que nos fixo rir a escachar.
Aproveitamos para dar unha nova: estreamos xa o invernadoiro e o alumnado do Primeiro Ciclo comezou a traballar nel.
O equipo de axudantes da biblioteca recibiu tamén un agasallo polo gran labor que están a desenvolver.

VISITA DE MIGUEL SUÁREZ (PROBANDO RADIOCARBALLAL)

Hoxe visitounos Miguel Suárez, mestre xubilado que fundou unha radio escolar no C.E.I.P. Torre Illa, da illa de Arousa.
Esa emisora escolar, "Radio Carcamán", segue funcionando tras case 20 anos de actividade.
Podemos dicir que Miguel é un experto e un amante da radio así como un mestre dos pés á cabeza.
Dounos moitos consellos para iniciar a nosa andaina polas ondas e aproveitamos para facer unha proba da que será para o vindeiro curso "RadioCarballal".
Aquí tedes a nosa primeira emisión reducida!!!

DÍA INTERNACIONAL DA POESÍA (SEMANA DOS VERSOS)

Hoxe, 21 de marzo, é o Día Internacional da Poesía.
No recuncho de Tambo ímolo celebrar cunha semana ateigada de actividades relacionadas cos recitados de poemas.
Podedes escoller unha poesía que vós queirades ou vir á biblioteca a elexir unha das que temos seleccionadas na mesa que mirades na foto.
A rapazada de Educación Infantil deleitaranos no recreo de hoxe, mañá a de 1º e 2º de Primaria, o xoves a de 3º e 4º e finalmente, o venres, teremos á de 5º e 6º.
Desfrutade moito da "Semana dos Versos"...

Aquí tedes dous vídeos con varios recitados do alumnado do colexio: