Estás no blog da Biblioteca e do EDLG do CEIP do Carballal de Marín. Son a tartaruga Tambo, a súa mascota. Agardo que pases un bo rato lendo as nosas lerias!
Bo día tambeiros/as!
Agardamos que estedes pasando unhas boas vacacións de Semana Santa.
Só queriamos informarvos, dende o recuncho de Tambo, que algo acontece no cole durante estes días pois... chegaron estas fotos...
Hoxe queremos partillar con todos vós, unha lista de reprodución que contén sete videoclips, argallados no CEIP de Caión.
Aí van:
1. "Bo día" (para comezar o día con bo pé).
2. "O amigo do embigo" (sobre a amizade).
3. "Imos recoller" (non vos esquezades de recoller todo logo de xogar).
4. "O brócoli non" (hai algunha comida que non vos gusta?).
5. "Burbullas" (xa sabedes que o aseo é ben importante).
6. "Navegando nos teus soños" (sabiades que cando pechamos os ollos pola noite comeza unha nova aventura?).
7. "A peor xogada" (fermosa canción sobre o bullying).
O vindeiro domingo, 21 de marzo, é o Día Internacional da Poesía.
Celebrarémolo no Carballal na semana do 22 ao 26 de marzo.
Dende o Equipo da Biblioteca propoñemos unha actividade ben divertida coa que pretendemos encher de versos os corredores do colexio...
Tedes tamén unha selección de libros de poemas no recuncho de Tambo que poderedes empregar como empréstito para as titorías.
Para rematar, deixamos ao novo membro da nosa comunidade educativa... que elixiu o mellor recuncho para vivir... o de Tambo!
O pasado venres, 12 de marzo, procedemos a efectuar un simulacro sorpresa de evacuación no Carballal para estar ben entrenados no caso de que haxa unha emerxencia: incendio, terremoto, etc.
Conseguimos desaloxar o centro en menos tempo do estipulado e cumprimos o protocolo case sen erros que pouco a pouco solventaremos.
Estade atentos que calquera día... temos outro.
Aquí tedes unha mostra do que aconteceu tambeiros/as!!!
O Equipo de Actividades Complementarias e Extraescolares argallou este marabilloso traballo interactivo para festexar o Día Internacional da Muller.
Se premedes na imaxe de Tambo, poderedes aprender datos biográficos dalgunhas mulleres destacadas que iremos actualizando pouco a pouco.
Outra forma ben moderna que nos permite desfrutar deste proxecto, consiste en apuntar, cun dispositivo electrónico, aos diferentes códigos qr que atoparedes no cartaz que se atopa nun andar do colexio, tal e como se mostra na instantánea.
Todos os vídeos foron elaborados polo alumnado nas titorías.
O alumnado de 1º de Educación Primaria, por medio do Equipo de Dinamización da Lingua Galega, quere ofrecervos un abano de posibilidades de xogo para os recreos, nestes tempos de pandemia.
A primeira proposta é a cruceta, mariola ou avión.
Agardamos que vos guste!
Os nenos e nenas de 2º de Educación Primaria queren convidar a todo o alumnado e profesorado do Carballal a visitar a exposición de animais de plastilina que conforma o seu proxecto SEM deste curso.
Atoparedes unha serie de actividades adaptadas á vosa idade coas que aprenderedes moitas cousas.
Poderedes acudir a partir da semana do 8 ao 12 de marzo á antiga aula de informática.
Agardamos que sexa do voso agrado tambeiros/as!!!
Mañá mércores, 24 de febreiro, é o Día de Rosalía.
Para celebralo, queremos deixarvos un fermoso videoclip inspirado nun dos seus poemas, elaborado por alumnado de Educación Infantil do CEIP Plurilingüe "A Pedra" de Bueu así como un Draw My Life da biografía da poeta galega máis universal de todos os tempos.
Deixamos pendurado este marabilloso vídeo didáctico elaborado pola alumna de 5ºA de Educación Primaria: Inés González Vázquez.
Dunha forma ben divertida explícanos todo sobre Os Artrópodos... agardamos que vos guste!!!
O Entroido deste curso, aínda que atípico por mor da COVID-19, foi ben divertido e estivo relacionado co PDI 2020/2021: "Heroes enmascarados".
As nosas mascotas, Tambo e Onza, tamén se disfrazaron para a ocasión... e atoparon a unha fada enmascarada con Batman...
Compuxemos estrofas (todos os cursos) sobre a base musical "We will rock you" (Queen) e gravaron as voces algúns nenos e nenas de 4º, 5º e 6º de Primaria (Andrés, Sara, Ángel, Yasmina, Marcos e Jessica), coa axuda da profa Chus e o profe Víctor.
Tivemos un fermoso concurso de carautas e antefaces organizado pola ANPA "Viñas Blancas".
O alumnado premiado recibiu un bono de 20 euros en diferentes librarías da vila: Maky, D'cores, Nobel e Bule Bule.
Moitos parabéns a estes nenos e nenas:
-Leire Acuña Sánchez: 5º de Educación Infantil.
-Aitana Teira Aguilera: 1ºB de Educación Primaria.
-Miriam Del Río Garrido: 4ºB de Educación Primaria.
-Brais Fariña Iglesias: 5ºA de Educación Primaria.
Recibimos unha visita especial e máxica da profa Mili, recén xubilada... que metía medo!!!
Deixámosvos un vídeo-resumo da xornada que agardamos desfrutedes moito e lembrade que tendes unha entrada específica do Mandadiño con fotos de todo o alumnado!!!
E para rematar... aquí tedes Entroidos de cursos pasados!!!
O vindeiro luns, día 8 de febreiro, e ata o xoves 11, faremos o "Mandadiño" no Carballal, rescatando así unha actividade que era habitual hai anos nesta época do calendario escolar.
Tambo e Onza, axudados por outros personaxes de ficción, expoñerán as directrices para as xornadas que estarán relacionadas co PDI: "Heroes enmascarados".
Iremos pendurando neste blog, de forma diaria, as instrucións para os seguintes días xunto con algunhas fotiños de cada aula.
Bo Entroido, tambeiros/as!!!
LUNS 8
