MERGULLO NO MAIO

O venres, 29 de abril, celebramos a Festa dos Maios e Embarcacións por anticipado no Carballal, da que podedes aprender cousas visualizando estes dous vídeos.

O pasado curso fixemos un Maio ben xeitoso.

Este ano, para axeitarse ao PDI "Mergullo nas Rías", decidimos decorar unha embarcación que nos emprestou a ANPA "Viñas Blancas": o San Xian dos Ancourados. 

Colaborou todo o alumnado e profesorado e cantamos coplas inventadas ao estilo tradicional.

Aquí tedes un vídeo-resumo da xornada!

A canción de fondo ("Aí vén o Maio") é unha adaptación do mestre de Educación Musical Nacho Hermida, que interpretou co seu alumnado de 5 anos do CEIP Julio Gurriarán do Barco de Valdeorras para colaborar co proxecto da Real Academia Galega "Primavera das Letras".

A letra corrresponde a este poema do homenaxeado deste ano no Día das Letras Galegas: Florencio Manuel Delgado Gurriarán.

Nós faremos esta versión que interpretou o alumnado de 5ºB de Educación Primaria e que debedes ensaiar para o 17 de maio.

Moi pronto falaremos de Florencio no cole para interpretar tamén, o 17 de maio, esta canción composta polo alumnado de 4º de Educación Primaria no Obradoiro de Audiovisuais, que tamén ten letra do homenaxeado.

Con estes tres vídeos podedes ensaiar cada unha das partes:

Premendo na seguinte ligazón tedes a base musical para cantar enriba toda a canción:

https://drive.google.com/file/d/1RB5x-rlrEM0FDvhLLl4r_fApd3Gkl0YA/view?usp=sharing

Feliz Maio para todos os/as tambeiros/as!!!

APADRIÑAMENTOS LECTORES

O mércores, 27 de abril, tivemos unha sesión de contacontos no Carballal, protagonizada polo propio alumnado.

Tratouse dos xa tradicionais "Apadriñamentos lectores".

Esta actividade, tras a da visita de Anxo Moure e a dos agasallos (libro e marcapáxinas), foi a terceira e definitiva organizada co gallo do Día do Libro.

O alumnado de 5º de Educación Primaria dramatizou os seguintes títulos: "O oso bo mozo, "A pita xefa", "Hai un oso na miña silla" e "A ovella que chocou un ovo".

O alumnado de 6º de Educación Primaria narrou: "A estraña sorpresa" e "Sen rastro do gato".

Finalmente, o alumnado de 4º de Educación Primaria contou: "A pandilla ON".

Agardamos que fora do voso agrado tambeiros/as, e... deica o ano que vén!!!

DÍA DO LIBRO 2022

Feliz Día do Libro 2022 tambeiros/as!!!

O venres, 22 de abril, tivemos a segunda actividade de conmemoración desta data tan sinalada no calendario escolar.

Recibistes un libro-agasallo do recuncho de Tambo.

Por outra banda, tedes xa o voso marcapáxinas personalizado que podedes colorear.

Deixamos a ligazón ás guías de lectura que o EDLG elaborou para recomendarvos libros axeitados para a vosa idade.

Guías de Lectura para Infantil

Guías de Lectura para Primaria

Vémonos pronto noutra andaina literaria durante este mes de abril cos contacontos que están a argallar diversos grupos de alumnos... sorpresa!!!

SESIÓN DE CONTACONTOS CON ANXO MOURE

Hoxe, 20 de abril, tivemos a primeira actividade de conmemoración do Día do Libro 2022.

Tratouse dunha sesión de contacontos co Gran Anxo Moure para o alumnado de Educación Infantil e do 1º e 2º ciclo de Educación Primaria (por cortesía do Consorcio Editorial Galego).

Coma sempre, nos seus espectáculos, falou de ecoloxía... el sempre emprega a bicicleta para ir dun sitio a outro!

Tambo animouse a participar dun xeito moi divertido.

Logo de escoitar varios contos,  tamén cantamos... e tocamos!

Agardamos que pasárades un bo rato tambeiros/as!!!

CHARLA SOBRE EMBARCACIÓNS TRADICIONAIS

O xoves, 7 de abril, tivemos unha actividade relacionada co PDI: "Mergullo nas Rías".

Consistiu nunha charla sobre embarcacións tradicionais que impartiron dous membros do Grupo Cultural "Ronsel" de Seixo (Marín): Antón Pousada e Xosé Vilas.

Foi ás 10:00 horas no recuncho de Tambo e estivo destinada ao alumnado de 5º de Educación Primaria, pois están traballando esta temática no Proxecto Didáctico Integrado.

Agardamos que pasedes unhas felices vacacións de Semana Santa tambeiros/as!!!

DÍA INTERNACIONAL DO LIBRO INFANTIL E XUVENIL

Tal día coma hoxe de 1805, nacía Hans Christian Andersen.

Todos os anos, o 2 de abril, conmemórase o Día Internacional do Libro Infantil e Xuvenil.

Celebrarémolo durante este mes no Carballal con diversas actividades das que vos iremos informando neste blog.

Queremos facer unha reseña ao libro-disco infantil en galego "Un día con papá" da madriña do recuncho de Tambo: Fina Casalderrey Fraga.

Páxina de Facebook

Sabemos que estes días non o está a pasar nada ben polo pasamento da súa nai, e por iso, queremos enviarlle dende aquí, unha agarimosa aperta...

Deixámosvos como estrea, a derradeira das 10 animacións con karaoke desta marabillosa historia que narra a xornada de lecer dunha nena (Xela) co seu pai (Anxo): "A pantasma".

DÍA DO TEATRO 2022

O domingo, 27 de marzo, foi o Día do Teatro.

No Carballal celebrámolo o luns, 28 de marzo, cunha obriña que representou o alumnado de 3ºA no Ximnasio do Cole: "¿Dónde está la risa?

Acudimos en tres quendas dos diferentes grupos de Infantil e Primaria.

A verdade é que pasámola moi ben!!!

Deixamos un anaquiño pendurado...

TITORIAL: BIBLIOTECA DIXITAL E-ELBE.2

En breve, recibiredes nas vosas casas, un papeliño co voso nome, cun identificador e cun contrasinal que vos servirán para o emprego dunha nova ferramenta da biblioteca.

Trátase da web "E-Elbe.2", na que poderemos ler libros dixitais, ata un máximo de 10 títulos por curso.

Lembrade que a primeira vez que accedades, tedes que mudar o contrasinal por un novo, que empregaredes a partir dese momento.

Existe tamén unha app para teléfonos, tabletas ou ordenadores por se non queredes entrar por medio da páxina web.

Aquí tedes un titorial introdutorio:

DÍA DA POESÍA 2022

O pasado luns, 21 de marzo, foi o Día Internacional da Poesía.

Celebrámolo no Carballal cunha actividade para todo o alumnado de Educación Primaria.

Centrouse na poesía de Rosalía De Castro ("Cantares gallegos"), da que aprendemos unha chea de cousas grazas Esteban de "Tarabelos".

Aquí tedes o cartaz das quendas e un anaco musical de "Contos nunha roda":

PROXECTO ANASTASIA

O xoves, 17 de marzo, fixemos un envío dende o cole con material de axuda humanitaria a Ucraína.

Os intermediarios foron os compoñentes da ONG que leva o Proxecto Anastasia.

Como podedes ver nas instantáneas, fomos quen de encher unha furgoneta enteira!

Agardamos que o conflito remate o antes posíbel...

MULLERES DAS NOSAS RÍAS NA CIENCIA

O xoves e venres, 17 e 18 de marzo, desenvolvemos unha actividade de pescudas moi divertida, relacionada co Día Internacional da Muller (8M).

Seguindo as instrucións do xogo, tivemos que buscar as catro pezas dos tres crebacabezas diferentes.

Partimos da primeira pescuda que estaba situada nun mapa.

 

 

 

As pezas, estaban espalladas por todo o colexio!

 

Nelas, había información relevante de tres mulleres galegas, relacionadas coa ciencia e co mar: Begoña Vila, María Wonenburger e Alicia Estévez.

8M: "MULLERES DAS NOSAS RÍAS"

Este ano, celebramos dunha forma especial a data do 8 de marzo: Día Internacional da Muller.

Fixemos dúas sesións informativas con 9 mulleres que traballan ou traballaron desenvolvendo labores relacionadas co mar, case todas elas, familiares de alumnado do Carballal... estámoslles ben agradecidos pola súa desinteresada colaboración!

Comezamos o xoves, día 10 de marzo, con este itinerario, no que incluímos como visita de última hora a Fina Calviño:

O mércores, 16 de marzo, tivemos outra quenda co intinerario que aparece neste cartaz.

Unha aperta tambeiros/as e... agardamos que teñades un bo mergullo nas rías!!!

MERGULL-ARTE

Achégase o Salón do Libro Infantil e Xuvenil de Pontevedra.

Este ano, participaremos cunha fermosa maqueta que leva por nome "Mergull-ARTE" e que ten moito que ver co PDI deste curso: "Mergullo nas Rías".

Agardamos que vos guste tambeiros/as!!!

ENTROIDO 2022

O pasado venres, 25 de febreiro, celebramos o Entroido no Carballal.

Papamos filloas, orellas e chocolate que nos preparou a ANPA "Viñas Blancas", á que, coma sempre, lle estamos moi agradecidos.

Tivemos sesión de baile e como non, desfilamos arredor da illa de Tambo seguindo o ritmo da canción que argallamos para a ocasión, interpretada por Alba Ramallo e Clara Pintos de 4º de Educación Primaria ("LimpouMo": unha parodia moi mariñeira do "SloMo", de Chanel, que irá a Eurovisión).

Os disfraces estiveron relacionados co PDI deste curso: "Mergullo nas Rías".

Aquí tedes as fotos de grupo:

-Educación Infantil: polbos, caranguexos e mexillóns.

-1º e 2º de Educación Primaria: fondo mariño.

-3º de Educación Primaria: peixes.

-4º de Educación Primaria: conservas.

-5º de Educación Primaria: "embarcados polas rías".

-6º de Educación Primaria: "polo mar".

E aquí está o vídeo-resumo da xornada.

Boas mini-vacacións tambeiros/as!!!