CIBERSEGURIDADE NO COLE - PREMIO ASTRID LINDGREN - ACTIVIDADE DE REMO - TAMBO NAS ONDAS

Boas tambeiros/as!!!

Queremos comezar esta entrada dando os nosos parabéns ao alumnado de 6º de Educación Primaria pois gañaron un segundo premio nun concurso esta semana.

Estivo relacionado coa ciberseguridade, participaron máis de medio cento de coles galegos e relizouse por medio de videoconferencia (preguntas Kahoot).

En breve acudirán de xeito presencial a unha nova fase.

Felicitamos tamén á nosa madriña, Fina Casalderrey, por ser nomeada unha vez máis, candidata española ao Premio Astrid Lindgren.

UN DÍA CON PAPÁ (FINA CASALDERREY)

O pasado venres, 17 de outubro, tivemos unha actividade de remo no Pavillón da Raña (Copa Ence Rowerg Indoor Escolar).

Estivo dirixida ao alumnado de 5º de Educación Primaria e asistiron máis de 450 nenos/as doutros centros de Cangas, Bueu, Moaña e Marín.

Tivemos tamen polos creativos durante a semana con construción, invernadoiro e iniciación ás cartas Magic con Telmo (fillo da profa Celia) na biblioteca.

Para rematar, deixamos o primeiro podcast deste curso de "Tambo nas Ondas" que está recén saído do forno!!!

Argallouno o alumnado de 6ºB de Educación Primaria... bon apétit!!!

SEMANA MÁXICA - POLOS CREATIVOS

Esta semana, entre outras actividades, tivemos unha serie de pases privados no colexio dentro do Festival Internacional de Maxia Infantil que se celebra en Marín os días 9, 10 e 11 de outubro.

Nun primeiro pase tivemos ao Mago Koko que fixo as delicias da rapazada de Educación Infantil e 1º ciclo de Educación Primaria.

Nun segundo pase gozamos co mago arxentino Gonza Martini que deleitou ao alumnado de 2º e 3º ciclo de Educación Primaria con malabares, maxia, pompas de xabrón e moito ritmo.

Por outra banda, informamos que xa botamos a andar os Polos Creativos deste curso... e algún obradoiro de lettering.

Anotádevos, tambeiros/as!!!

CONCURSO DE CURTAS DE MEDO - CHARLA SOBRE OS ROMANOS - PAPIRUS - DANZA DE ESPADAS

Boas, tambeiros/as!!!

Para comezar, informamos que o Equipo de Dinamización da Lingua Galega convoca o III Concurso de Curtas de Medo co gallo do Samaín 2025.

Aquí tedes o cartaz coas bases... e agardamos que vos animedes a participar!!!

Deixamos as pezas audiovisuais de anos anteriores para que collades unha chea de ideas.

Por outra banda, esta semana, o alumnado de 4º de Educación Primaria, tivo unha charla sobre a romanización en Galiza con Mercedes, a nosa administrativa, pois ela é toda unha experta (licenciada en Historia da Arte).

Foi na biblioteca e aprendemos moitísimo.

Deixamos tamén a canción de Papirus, o polbo que aparece na historia da nosa mascota Tambo e que nos hermanou no seu día co CEIP "A Pedra" de Bueu.

Para rematar, non esquezades acudir este domingo a ver a Danza de Espadas da nosa vila, unha tradición centenaria da que debemos sentirnos orgullosos.

Viva San Miguel!!!

CIBEREXPERTO - ACTIVIDADE DE BALONCESTO CO PEIXEGALEGO - COREOGRAFÍA DE TAMBO

Ola tambeiros/as!!!

Esta semana tivemos dúas actividades ben interesantes no cole.

A primeira consistiu nunha serie de charlas ao alumnado de 6º de Educación Primaria sobre os perigos da internet.

Foron impartidas por parte de Rafa (Policía Nacional) no marco do Programa Ciberexperto.

Por outra banda, como todos os anos por estas datas, gozamos cunha serie de actividades sobre baloncesto por parte de persoal do Club PeixeGalego.

Aquí temos a Josu explicando un dos xogos.

E aquí temos a dúas mozas de 3º de Educación Primaria pasándoo xenial.

Para rematar deixamos a coreografía da canción da nosa mascota, realizada por antigas alumnas do Club de Ximnasia Rítmica "In Mare".

Boa finde!!!

"LELA" - 2025 - ANO CASTELAO

Boas, tambeiros/as!!! 

Este ano 2025 está dedicado a unha das figuras máis importantes da Cultura Galega: Alfonso Daniel Rodríguez Castelao (hai 75 anos do seu pasamento en Bos Aires, Arxentina).

Que non sabedes quen foi?... pois premede na seguinte instantánea da súa caricatura e poderedes acceder a unha chea de actividades que vos axudarán.

Para conmemorar este "Ano Castelao" no Carballal, imos aprender todos/as este poema tan famoso que pertence á súa obra teatral "Os vellos non deben de namorarse" (1940) e que foi instrumentado por Rosendo Mato Hermida.

O seu título é: "Lela".

Aquí tedes un karaoke coa voz da profa Natalia para que poidades practicar na casa unha das cancións máis famosas e fermosas escritas en galego.

BENVIDOS AO CURSO 2025/2026

Logo dun verán moi caluroso, no que de seguro chupastes moita praia, voltamos ao Carballal o pasado martes, 9 de setembro, para comezar un novo curso cheo de sorpresas.

Nesa primeira xornada, accedemos ao centro e colocámonos nas nosas filas... pero comprobamos que había uns menús pendurados nas columnas cos nosos nomes.

Contounos tamén un paxaro que fixeron unha cociña no cole e que iso pode darnos unha pista do PDI que levaremos a cabo... de que tratará?

VÍDEO DA NOVA COCIÑA

Os mestres e mestras tamén estaban disfrazados de cociñeiros e camareiros e escoitamos un bucle de cancions relacionadas con comidas!!!

MIX DE CANCIÓNS COCIÑEIRAS

E por certo, procurade non perdervos porque a ubicación das aulas mudou.

Benvidos ao curso 2025/2026, tambeiros!!!

EXCURSIÓNS DE 3º E 5º - VISITA DA GALIÑA AZUL - FESTA DA ANPA - TEATRO INTERCICLO - FESTIVAL DE FIN DE CURSO E GRADUACIÓNS - DESPEDIDA CON XOGOS

Logo dun curso ben longo e con esta semana anegada de actividades, despedimos as novas do blog.

O alumnado de 3º e 5º de Educación Primaria tivo a súa excursión de fin de curso.

Os nenos/as de 3º foron a O Grove para gozar da praia e da piscina o luns, 16 de xuño.

A rapazada de 5º tamén gozou durante dous días do soliño de Mondariz Balneario.

O martes, 17 de xuño, recibimos ao alumnado da Galiña Azul nunha xornada de convivencia ben fermosa en Educación Infantil.

Esa mesma tarde a ANPA "Viñas Blancas" fixo a súa festa de fin de curso.

Tivo piscinas, comida e moitas actividades máis nunha tarde na que mallaba o sol que daba gusto!!!

O mércores, 18 de xuño, tivemos unha actividade interciclo na que o alumnado de 6º de Educación Infantil interpretou na biblioteca a obra de teatro: "Queda sitio na vasoira?".

Logo fixeron nas aulas de 1º e 2º un pasaporte a Primaria e merendaron xuntos.

A Anpa "Viñas Blancas" tamén entregou esa mañá o agasallo tradicional.

Por outra banda, o xoves, 19 de xuño, celebramos o festival de fin de curso pola mañá ao que tamén acudiron as familias.

Nel houbo once actuacións ben bailongas.

Durante a tardiña tivemos as graduacións de 6º de Infantil e Primaria.

Aquí tedes un vído-resumo!!!

Para rematar, o venres, 20 de xuño, tivemos unha festa variada organizada polos mestres de Educación Física moi relacionada coa auga e merendas-despedida nas aulas e nos patios.

 

Agardamos que teñades un bo verán, tambeiros/as!!!

EXPOSICIÓN DO PDI ANUAL - EXCURSIÓN DE 4º - BASKET CO PEIXE GALEGO - FESTIVAL DE CINE DO MAR - TENDENDO PONTES - POLICÍA NACIONAL - FEIRA DO LIBRO USADO

O pasado martes, 10 de xuño, á tardiña, celebramos a Feira de Exposición de Proxectos do PDI 2024/2025: "Estende as túas ás".

Houbo moita afluencia de público e tivemos unha chea de actividades.

O alumnado de cada nivel mostrou os seus traballos argallados durante o curso... un curso cheo de actividades comúns!!!

Tivemos dúas obras de teatro, unha actuación musical, un obradoiro de henna, outro de chapas e chaveiros, etc.

Aproveitamos para facer unha Merenda Intercultural onde había comidas típicas de Galicia, Marrocos ou Arxentina.

Aquí tedes o vídeo-resumo da xornada, tambeiros/as!!!

O mércores, 11 de xuño, os nenos e nenas de 4º de Educación Primaria tiveron a súa excursión de fin de curso a Padrón.

Foron a Galipark, un divertido parque de aventuras.

Nel fixeron: tirolina, tiro con arco, escalada, body jump, piscina, tobogán acuático, laser tag e moitas cousas máis!!!

Por outra banda, durante a mañá do xoves e venres (12 e 13 de xuño), o alumnado de 3º, 4º, 5º e 6º de Educación Primaria, tivo unha actividade de baloncesto no Pavillón da Raña.

Estivo organizada polo Club Peixe Galego e anegou de deporte o ambiente.

Os nenos e nenas de 6º de Primaria veñen de ser nomeados finalistas no Festival de Cine do Mar de Marín que terá a súa Gala de Entrega de Galardóns moi pronto.

Parabéns, rapazada, por esa curtametraxe: "Marín regueifa o mar".

Tiveron tamén durante a mañá do mércores, 11 de xuño, a tradiciónal actividade común anual co IES "Mestre Landín": "Tendendo Pontes".

Nela argallaron pontes de madeira ben resistentes e fixeron robótica cos segueliñas.

O venres, 13 de xuño, o alumnado de 1º e 2º de Educación Primaria tivo unha sesión didáctica coa Policía Nacional.

Nela puideron coñecer o coche patrulla polo seu interior.

Para rematar, o sábado, 14 de xuño, foi a "Feira do Libro Usado" na que conseguimos "vender" todos os exemplares!!!