O pasado sábado, 23 de setembro, o alumnado de 5º de Educación Primaria realizou unha saída escolar pola mañá con dous mestres.
Acudiron á Gala "Escolas Galegas" do Festival Internacional de Cinema de Bueu na que resultaron finalistas dentro da sección de Educación Especial, Infantil e Primaria co videoclip "Mario O Teixugho".
A cerimonia estivo presentada pola contacontos Olalla González (exmestra do Carballal) e polo ilustrador Marc Taeger, que fixo animacións ao vivo co seu iPad que se proxectaban na pantalla.
Tamén houbo música ao vivo e con ela, fixéronnos algún xogo ben divertido.
Queremos dar os parabéns aos gañadores pola súa marabillosa curtametraxe: "O roubo da Mona Lisa" (CEIP San Marcos de Abegondo).
Nós trouxemos un lote de libros por cortesía da Editorial Kalandraka e un diploma acreditativo.
Para visualizar a gala en streaming podedes premer na seguinte ligazón, onde saen todos os finalistas e o gañador:
Por outra banda, xa saíron os gañadores do concurso da Real Academia Galega "Contádenos o voso Día das Letras", promovido pola súa iniciativa "Primavera das Letras".
Gañaron os colexios: Espiñeira-Aldán de Cangas, Juan Fernández Latorre da Coruña e Juan Rey de Lourenzá.
Se queredes ollar os traballos enviados por todos os centros educativos e aprender máis cousas sobre Francisco Fernández Del Riego, podedes visitar a súa páxina premendo na seguinte instantánea.
Nós, fixemos un videoclip con coreografía e unha obra de teatro dedicada ao homenaxeado.
Xa para rematar, desexamos moita sorte a todo o alumnado que se anotou á milla urbana que esta tardiña, no Día de San Miguel (patrón de Marín), se celebra en Marín... e non esquezades gozar da Danza de Espadas (4 séculos de antigüidade) o vindeiro domingo, unha das alfaias culturais da nosa vila como podedes comprobar neste videoclip de Carlos Núñez!!!
