Vouna escoitar!!
DON TREBÓN
Na Serra do Xurés vivía Don Antón,
un vello pastor apertado a un tambor.
Díxome un paxaro que os cativos aldeanos
cantaban canda el por carreiros de mel…
Unha tarde coas ovellas, as cabuxas e o seu can
tirou cara o monte a ver sapos e curuxas…
Durmido quedou baixo a sombra dun carballo,
espertou abraiado con soños de orballo…
DUM, DUM ,DUM
O,O,O
NANANA NANANA NÁ
TAMBOR EN MAN
RECORRE O XURÉS
ENTRE O GANDO…
BICOS DE SAL
ONDE O ESCOITAS
NAMORA SEN MÁIS…
Don Antón esgotado xuntou a todo o gando,
baixou cara á aldea, seica ían trotando.
O camiño enlamado doulle un susto de noxo,
o verdello dun penedo foi e deixouno coxo.
Ese día un alcume a súa vida ía cambiar
e o vello Don Antón pasou a ser Don Trebón.
Dende a cama aos cativos aínda segue a chamar,
o son do tambor chega ata o mar…
