Despóis do esforzo e cariño posto polo Equipo de Biblioteca no "Recuncho de Tambo" durante o pasado curso 2011-2012, xa podemos disfrutar deste espazo máxico adicado á lectura.
Como sabedes, por segundo ano consecutivo, fomos elixidos para disfrutar das facilidades que ofrece o Plan de Mellora de Bibliotecas Escolares de Galicia.
Grazas a el podemos falar desta nova realidade: temos novo mobiliario, novos fondos bibliográficos, equipos informáticos, nova ambientación, iluminación, etc.
Por outra banda, o profesorado do Equipo de Biblioteca está mellor formado grazas ó grupo de traballo desenvolvido no pasado curso.
A presentación tivo como protagonista á nosa mascota Tambo á que lle cantamos o himno oficial do seu recuncho ademáis doutra canción relacionada coa súa historia. Tivemos unha agradable sorpresa xa que coas cancións poidemos disfrutar dunhas animacións dinámicas feitas pola profe Laura.
Tambo demostrou ademáis as súas dotes como locutor e por primeira vez escoitámola falar.
A invitada de honra foi nada máis e nada menos que Fina Casalderrey quen engaiolou coas súas verbas a todos nos.
Recibiu un fermoso agasallo, asinou no libro de visitas e aceptou ser a nosa madriña de agora en diante.
Na xornada de tarde houbo xornada de portas abertas na biblioteca para pais, nais e alumnado.
Damos o noso agradecemente a tódolos invitados que asitiron doutros centros educativos e do Concello de Marín.
A disfrutar da biblioteca rapaces e rapazas!!
