Dende o Equipo de Biblioteca queremos propoñervos unha canción para interpretar no "Día de Rosalía" que se celebra, como cada ano, o vindeiro xoves, 23 de febreiro (186 anos despois do seu nacemento).
No colexio farémolo un día despois, o venres 24 de febreiro.
Trátase do poema que Manuel Curros Enríquez fixo polo pasamento de Rosalía de Castro en 1885, instrumentado por Luis Emilio Batallán no disco máis vendido da historia en galego: "Ahí ven o maio" (Aí vén o Maio).
Aquí tedes un vídeo para poder practicala e aprendela... dádelle caña tambeiros/as!!!
Por outra banda, hoxe chegou unha boa nova ao Carballal!!!
O noso colexio foi admitido no Programa "Lectura e Familias", destinado a centros PLAMBE.
Con el preténdese promover a lectura e o uso responsable da información coa participación das familias nas actividades argalladas pola biblioteca que estén relacionadas coa lectura, a información e os medios de comunicación.
Aquí tedes algunhas actividades que temos feito este curso.
Recibiremos unha dotación de 2500 euros para poder levar a cabo o proxecto e moi pronto teredes na casa un tríptico con máis información.
