O pasado 23 de febreiro foi o Día de Rosalía, data correspondente ao seu nacemento en 1837.
No cole festexámolo o venres, 24 de febreiro, acudindo por quendas a un acto que nos tiña preparado o equipo de axudantes da biblioteca baixo o lema: "Rosalía de aniversario".
Narraron unha breve biografía da poetisa, fixeron un recital de poemas da súa autoría e tamén nos propuxeron algún traballo manual e a selección da palabra que máis nos gustou dos seus poemas.
Vestiron prendas que emulaban a Rosalía nas súas diferentes etapas (da nenez á madurez), houbo dous disfraces do seu home, Manuel Murguía... e ata levaban roupa tradicional galega.
Para rematar, cantamos "A Rosalía", poema que compuxo Manuel Curros Enríquez polo seu pasamento en 1885, musicado por Luis Emilio Batallán no disco "Ahí ven o maio" de 1975 (o disco en galego máis vendido da historia).
