O pasado venres, 3 de febreiro, o alumnado de 6º de Educación Infantil B, acudiu á Escola da Galiña Azul en autobús (situada no barrio de San Pedro).
Fixeron unha actividade común co alumnado dese centro, interpretando a canción do conto "A mellor sopa do mundo" (que temos na biblioteca), apoiados incluso por linguaxe de signos.
Argallaron tamén un obradoiro de carautas dos personaxes do conto, intercambiaron agasallos e zamparon un riquísimo biscoito que lles fixeron de benvida... do que Tambo, a nosa mascota, tamén papou un anaco!
Por outra banda, o pasado mércores, 1 de febreiro, o alumnado de 5º de Educación Primaria, acudiu a Portas para participar no Campionato Provincial de Cross para o que quedaran clasificados finalistas como grupo.
Queremos darlles os nosos parabéns polos resultados acadados, en especial, a Andrés Omil, que quedou 3º clasificado dentro dun total de case 300 corredores... non está nada mal!!!
