O pasado venres, 17 de febreiro, festexamos o Entroido no Carballal baixo o lema: "Argallando no Entroido".
Foi a culminación do Mandadiño, do que tedes algunhas fotos nas dúas entradas anteriores deste blog, e coincidiu cunha mañá moi solleira.
Houbo astronautas, planetas, superheroes dos 70, romanos dos debuxos animados "Érase unha vez...", unha homenaxe aos nosos maiores con paisaxes rurais, computadoras enfrentadas a libros de texto e ata anacos da serie de tv "Cuéntame cómo pasó", no que os nenos percorreron estes 50 anos de andaina do Carballal.
Os asistentes fixeron instantáneas no photocall setenteiro que fixeron con agarimo e gozaron cun baile no interior e no exterior do colexio.
Deixamos tamén os vídeos de Entroidos anteriores, por se queredes lembrar...
Para finalizar, como vén sendo tradición, cantamos e bailamos a cachón coa canción que adaptamos: "No Entroido estrea o teu disfrace".
Aquí tedes un vídeo-resumo da xornada que agardamos sexa do voso agrado tambeiros/as!!!
Á tardiña, houbo un festón organizado pola ANPA "Viñas Blancas" á que queremos dar as grazas pola súa impagábel colaboración.
Os asistentes fixeron instantáneas no photocall setenteiro que fixeron con agarimo e gozaron cun baile no interior e no exterior do colexio.
Agardamos que pasedes unhas boas vacacións... non esquezades ir ao Enterro da Sardiña (o de Marín festéxase dun xeito único) e practicar a canción "A Rosalía" para o vindeiro día 24 que xa teñen preparada os colaboradores da biblio!!!
