O pasado martes, 7 de febreiro, o alumnado de Educación Infantil, gozou dunha representación teatral argallada pola rapazada de 2ºA de Educación Primaria.
Trátase da adaptación dun conto que aparece no seu libro de lingua ("Dez gatiñas viaxeiras") e que eles titularon: "As 11 gatiñas viaxeiras".
Nel trátase o conteo ata o número 11 (en galego e inglés) e tamén fai un percorrido pola xeografía galega.
A actividade pertence ao Equipo de Dinamización da Lingua Galega por medio desa titoría e como tivo tanto éxito, repetíronna ao día seguinte co alumnado de 1º de Educación Primaria como público no recuncho de Tambo.
Por outra banda, queremos informarvos que están previstas unhas obras na contorna do centro para mellorar a súa accesibilidade e seguridade viaria (según os medios de comunicación), algo que vimos reclamando dende hai ben de anos e para o que fixemos incluso un proxecto que presentamos no Concello de Marín co alumnado e que levaba por título: "Camiñando ao cole seguriño" (PDI: "O cole que queremos").
