CONTACONTOS SOBRE ANIMAIS CO GALLO DO DÍA DO LIBRO

http://www.edu.xunta.es/centros/ceipdocarballal/galeria/displayimage.php?album=85&pos=0

Dende o enlace que tendes sobre estas liñas podedes ver as fotografías da sesión de contacontos adicada ós animais que se celebrou no Recuncho De Tambo co gallo do Día Do Libro e que estivo destinada ós nenos e nenas do segundo e terceiro nivel de Primaria..
Espero que vos gusten!!

ROLDA DE PRENSA DA VIDEOCONFERENCIA CON MAR DE PLATA

Aquí tendes a rolda de prensa e unha pequena reportaxe da videoconferencia de onte.

Espero que vos guste!!!

VIDEOCONFERENCIA INTERNACIONAL DENDE A BIBLIOTECA

O vindeiro martes día 17 de abril, os nenos e nenas do Terceiro Ciclo de Primaria teremos unha videoconferencia co alumnado dun colexio arxentino.
A conexión será dende o Recuncho de Tambo e esperamos que se desenvolva con éxito, xa que as probas realizadas estes días, foron positivas.
A actividade está dentro dun programa patrocinado pola Fundación Telefónica chamado "Escolas Amigas".
A este acto asistirá algún representante da Xunta de Galicia e será televisado pola TVG.

CELEBRACIÓN DO DÍA DO LIBRO CON CONTACONTOS

Este ano celebraremos o Día do Libro cunha sesión de contacontos destinada ó segundo e terceiro nivel de Primaria. Será no Recuncho de Tambo ás 12:30 da mañá.
A temática xirará en torno ó mundo dos animais, que son o eixe central do noso Plan Anual de Biblioteca.
Non vos esquezades que este día tan sinalado é o 23 de abril.
Saúdos a todos/as!

TAMBO POR MARC TAEGER

¿Estou guapa neste debuxo?
É o retrato que me fixo o fantástico ilustrador Marc Taeger despóis da sesión de contacontos que tivemos o pasado día 10 de abril e na que disfrutamos moito escoitando o conto "Garavanciño" na voz de Olalla.
Aprendemos a facer un debuxo a partires dun puntiño que de seguro nos axudará nos traballos que fagamos na clase.
Biquiños a todos/as!

SESIÓN DE CONTACONTOS "A MALETA MÁXICA"

O mércores 11 de abril de 2012 tivemos unha marabillosa sesión de contacontos organizada polo Concello de Marín titulada "A Maleta Máxica".
Esta actividade estivo destinada ós nenos e nenas de 5 anos e do primeiro nivel de Primaria.
O monitor e máis a monitora que a dirixiron atopaban no interior dunha maleta máxica unha serie de contos ("A mosca chosca", "O mono máxico", "A ratiña Inés"...) e personaxes que nos fixeron disfrutar moito.
O máis divertido foi cando participamos cantando e actuando coma se foramos piratas nun castelo.
Esperamos ter unha nova sesión con estes mozos tan divertidos.