Estás no blog da Biblioteca e do EDLG do CEIP do Carballal de Marín. Son a tartaruga Tambo, a súa mascota. Agardo que pases un bo rato lendo as nosas lerias!
O pasado martes, 21 de xuño, ás 11:10 horas, celebramos o Festival de Fin de Curso 2021/2022, que este ano levou por título: "MergulloVisión".
O acto foi retransmitido vía streaming para as familias.
Para poder visualizalo outra vez, tedes que premer na seguinte imaxe.
O pasado martes, 21 de xuño, os nenos e nenas do Carballal fixeron a exposición de cada un dos produtos individuais, realizados por niveis ou aulas, que conforman o PDI "Mergullo nas Rías".
Foi no ximnasio (por mor da choiva) ás 17:00 horas e logo, ás 18:00, nun patio cuberto exterior, tivemos a actuación de Peter Punk Pallaso co seu espectáculo "Chungo que te cagas" (premio do alumnado de 5º de Educación Primaria no Olloboi 2022 co seu videoclip "Heroes enmascarados").
Ao longo destas dúas semanas estanse a producir saídas do alumnado do Carballal co gallo da fin deste curso 2021/2022, moitas delas, relacionadas co PDI: "Mergullo nas Rías".
O alumnado de 4º de Educación Primaria visitou, o pasado venres 10 de xuño, o Museo Massó e a Fábrica de Salgadura da Praia Mourisca, en Bueu.
Os nenos e nenas de 1º e 2º de Educación Primaria foron o pasado martes, 14 de xuño, a O Grove para gozar do seu acuario e dunha viaxe en catamarán na que visualizaron os fondos mariños.
O alumnado de 6º de Educación Primaria fixo un roiteiro pola ría de Pontevedra (Mosteiro de Poio, Muíños da Freixa, Combarro, illa da Toxa e Miradoiro de Siradela) o pasado venres 10 de xuño durante todo o día.
Entre os días 14 e 17 de xuño foron ao Parque Nacional de Cabárceno (Cantabria) e tamén aproveitaron para visitar, entre outros lugares: a Praia das Catedrais, a Cova de Altamira, a Cova do Soplao, Santander ou o Museo Xurásico.
O mércores 15 de xuño, tamén fixemos a saída á tradicional carreira "Botón de Ancla".
O pasado venres, 17 de xuño, o alumnado de Educación Infantil acudiu á Lagoa de Castiñeiras durante toda a mañá, e puido gozar coa súa flora e fauna.
Os nenos e nenas de 3º de Educación Primaria, fixeron a súa saída o pasado mércores, 22 de xuño, derradeiro día de curso, ao Museo do Mar de Vigo.
Os nenos e nenas de 5º de Educación Primaria realizaron unha actividade conxunta co alumnado de 2ºA de ESO do IES Mestre Landín durante a mañá do xoves 16 de xuño.
Asistiu tamén a rapazada de 6º de Educación Primaria que non foi á excursión de Cabárceno.
A actividade estivo baseada na construción de pontes con láminas finas de madeira e quedamos sorprendidos do peso que soportan.
Tamén houbo moito de robótica, tal e como podedes apreciar nas instantáneas.
