Estás no blog da Biblioteca e do EDLG do CEIP do Carballal de Marín.
Son a tartaruga Tambo,
a súa mascota.
Agardo que pases un bo rato lendo as nosas lerias!
Este ano tivemos un feixe de actividades de Nadal no Carballal que comezamos xa hai un par de semanas: decoración navideña, actividades de piscina, tren turístico, visitas máxicas co Mago Paco, visita dos Reis Magos con agasallos, Festival da ANPA "Viñas Blancas" con Papá Noel, o tradicional concerto de panxoliñas organizado polas mestras de Relixión, actividade sobre Juan Gago de Mendoza, mercadiño na Alameda e o gran Belén relacionado co PDI deste curso. Queremos desexarvos a todos e todas un feliz Nadal e unha boa entrada no ano 2020. Aquí tedes un vídeo-resumo que agardamos sexa do voso agrado...
Queremos informarvos tamén que a alumna Fadwa, de 5º de primaria, participou no programa musical da TVG: "Pequenos Fenómenos". Aínda que non pasou de fase por mor dos nervios que afectaron á súa afinación, a representación que fixo do noso cole, interpretando unha das nosas cancións ("Regueifando en Marín"), foi moi digna. A retransmisión foi o pasado sábado, 28 de decembro, ás 22:00 horas pero podedes visualizala premendo nesta ligazón: http://www.crtvg.es/tvg/a-carta/pequenos-fenomenos-segunda-semifinal?t=1614
Deixamos pendurados, a xeito de recomendación, unha serie de traballos sobre grupos ou solistas realizados polo alumnado de 6º de primaria, por se queredes descubrir música nova durante este Nadal...
Tamén temos unha instantánea de antigos alumnos e alumnas que hoxe estiveron de visita e... que grandes están xa!!!
Para rematar, podedes botar unha ollada a estes vídeos-resumo do Nadal doutros anos!!!
A alumna de 5º de primaria, Fadwa El Abbouti, foi seleccionada no casting para participar como concursante no programa musical da Televisión de Galicia "Pequenos Fenómenos". Será retransmitido este Nadal e contará cun xurado de excepción. Esta semana comezou a ensaiar as cancións que escolleu para interpretar en directo e deixounos un anaco gravado para que poidamos desfrutar todos e todas coa súa voz. Agardamos que vos guste e... moita sorte moza!!!
O alumnado de 4º de primaria vén de publicar o seu primeiro videoclip producido no Obradoiro de Audiovisuais. Trátase dun traballo comezado o curso pasado polos nenos e nenas de Valores de 6º de primaria que elaboraron unha melodía a partir dun texto que Antón Fraguas pronunciou nunha entrevista. Posúe imaxes intercaladas a vista de paxaro (co dron do profe Yeray) da celebración no colexio do Día das Letras Galegas 2019, na que todos colocamos unha serie de paneis elaborados pola profa Charo e os seus alumnos/as. Na rodaxe, colaborou a alumna de 5º de primaria: Sira Rodríguez Peñas. Agardamos que sexa do voso agrado!!!
O Equipo de Dinamización da Lingua Galega, despois de deliberar entre os contos entregados e tendo en conta os criterios que figuraban no cartaz, nomeou gañador do concurso, por unanimidade, a "Matías, o fotógrafo" de Diego González Cortegoso, de 5ºA de primaria. Como sabedes, será a historia que o alumnado de 4º de primaria tomará como base para elaborar un videoclip durante o segundo trimestre no Obradoiro de Audiovisuais. Moitos parabéns e agardamos que vos guste!
MATÍAS O FOTÓGRAFO
Matías , era un neno coma outro calquera pero
tiña un soño… e ese soño era: ser fotógrafo profesional! Un día díxolle á súa nai : -Mamá, quero ir a clases de fotografía . A nai
non estaba moi de acordo , e díxolle : -Matías, eu xa teño planes para ti , eu quero
que sexas violinista. Matías díxolle á súa nai: -Eu non quero ir a
clases de violín. Despois dun rato vagando pola casa , o seu pai
preguntoulle: -Matías, pásache algo? -Pois si , mamá quere que vaia a violín e eu non
quero. -Pois Matías eu tampouco quero que vaias a
violín , eu quero que vaias a fútbol.
Matías ía a fútbol e a violín , pero non o facía
con gañas porque no lle gustaba ningunha das dúas
actividades. Un día andando pola alameda , atopou un folleto
no que poñía :
-Se che gusta facer fotos , participa no noso concurso. So tes que sacar unha fotografía e enviala a este número de teléfono: 226 701 447.
Matías quería con moitas gañas participar nese
concurso... El sabía que os seus pais non lle deixarían, así que participou sen que eles se deran de conta e dous días despois chegou unha carta inesperada.
- Matías tes unha carta para ti na entrada. -Xa vou mamá !!!
Beeeeeen, é do concurso!
Estimado Matías , mandámosche esta carta para informarche de que quedaches finalista no noso concurso e deberás enviar outra foto. De parte do representante. - Que ben , quedei finalista !!! Mamá, voume. Dous días despois mandaron outra carta . - Gañei o concurso!!!
Dende ese día, Matías volveuse
o mellor fotógrafo de Galicia.
Os Equipos de Dinamización da Lingua Galega do Morrazo, dos que formamos parte, vimos de publicar as guías de lectura que en breve vos repartiremos a todos os alumnos e alumnas do Carballal de forma física. Trátase de recomendacións de lecturas en galego para Educación Infantil, Educación Primaria e persoas adultas. Animádevos a mercar algo para este Nadal!!!
Hoxe, 25 de novembro, conmemoramos no Carballal o Día Internacional da Eliminación da Violencia contra as Mulleres. O profesorado interpretou unha fermosa canción para a ocasión: "Violencia 0". O seu videoclip está realizado a base de pictogramas ARASAAC para persoas con autismo.
Levamos unha grande sorpresa cando o miramos no telexornal da TVG...
Por outra banda, derrubamos con mans simbólicas, un muro anegado de palabras horribles relacionadas coa violencia machista. Algúns nenos e nenas acudiron ás aulas coa faciana pintada como activistas experimentados... Tivemos tamén unha actuación do Mago Paco que acudiu, de forma desinteresada, a presentar un espectáculo relacionado coa igualdade de xénero... moitas grazas!!! Agardamos que vos agrade o vídeo-resumo!
E se queredes lembrar as actividades que realizamos en cursos pasados, aquí tendes!!!
A Televisión de Galicia púxose en contacto co Carballal para indicarnos que calquera alumno/a que cante ben e quera participar no concurso "Pequenos Fenómenos", pode enviar unha mensaxe por WhatsApp (a título persoal) ao número de teléfono que se indica no cartaz, na que apareza un vídeo cantando sobre unha base musical, o nome, a idade e a procedencia.
Animádevos a participar... algún dos nosos exalumnos/as conseguiu chegar á final en edicións pasadas.
Deixamos os casting que realizamos naquela ocasión para que vos fagades unha idea do que habería que enviar:
O martes, 12 de novembro, un día despois de San Martiño, celebramos o Magosto no colexio papando moitas castañas e gozando con xogos populares... como podedes observar neste vídeo-resumo.
Propuxemos unha exposición de cestos para albergalas, relacionada co PDI, baixo o título: "Atrévete a soñar cun cesto de castañas".
E o luns, 11 de novembro, comezaron a chegar xa as primeiras obras de arte, como cada ano:
O xurado estivo composto polo alumnado de 6º de primaria e os gañadores foron os seguintes: -4º de Educación Infantil: Aria Pereira con "Cámara de fotos". -5º de Educación Infantil: Iván Veiga con "Dinosaurio". -6º de Educación Infantil: Aitana Teira con "Patines". -1ºA: José Ramón Pouseu con "Casa de chuches". -1ºB: Pablo Márquez con "Unicornio". -2ºA: Lois Piñeiro con "Mi aficción: la lectura". -2ºB: Manuel Márquez con "Coche con mantecados". -3ºA: Martina Otero con "A caixa de soños". -3ºB: Lucía Agra con "O meu soño é ser científica". -4ºA: Teo Rivas con "Todos los niños nacemos artistas". -4ºB: Samuel Pouseu con "Tambor". -5ºA: Andrés Fernández con "Cámara de cine". -5ºB: María Moldes con "Nunca deixes de soñar". -6ºA: Iker Aguión con "Mando da consola". -6ºB: Almudena López con "Microscopio". Os premios entregáronse o mércores 13 de novembro no recuncho de Tambo... parabéns tambeiros/as!!!
Por outra banda, queremos informarvos que o alumnado de 4º de primaria, na materia de Educaciòn Musical (Audiovisuais), está gravando xa as voces da canción que se convertirá no primeiro videoclip do curso 2019-2020. Trátase dun traballo inacabado do curso pasado e vaise titular: "Por amor á nosa terra".
Se tendes ganiñas de lembrar tempos pasados, aquí deixamos penduradas as ligazóns aos vídeos-resumo dos festexos do Magosto de cursos pasados:
O Equipo de Dinamización da Lingua Galega, convoca un concurso de contos relacionado coa temática do PDI anual proposta polo recuncho de Tambo: "Traballa cos teus soños". Se queres participar é ben sinxelo... inventa un conto sobre o traballo dos teus soños ou dun traballo que consideres interesante ou inusual, escríbeo en galego na carilla dun folio e entrégallo á túa titora ou titor ata o venres 29 de novembro. O conto gañador (darémolo a coñecer antes das vacacións de Nadal) será transformado en videoclip durante o 2º trimestre por parte do alumnado de 4º de primaria na materia de Educación Musical (Audiovisual).
Aquí tedes os videoclips dos dous últimos anos...
E deixamos tamén outros contos musicados da nosa Biblioteca Escolar:
O martes, 29 de outubro, celebrouse o Samaín no colexio coa mítica exposición-concurso de cabazas (este ano estivo relacionada co humor), coa entrega do premio ao título do PDI e co agardado túnel do terror que a ANPA "Viñas Blancas" argalla cada ano. Nestes dous vídeos podedes visualizar unha testemuña...
Como puidestes comprobar, xa temos título para o PDI deste curso: "Traballa cos teus soños". A gañadora foi Sira Rodríguez Peñas de 5ºA. Parabéns tambeira!!!
Ademais, podedes achegarvos ata o recuncho de Tambo para poder desfrutar de marabillosos contos relacionados para a ocasión que xa temos seleccionados.
Os gañadores do concurso de cabazas foron os seguintes (hai dous terceiros premios por igualdade en número de votos): -1º premio: Blanca Otero de 2ºA co seu "Comegalletas Triki". -2º premio: Pablo Márquez de 1ºB coa súa "Panteira Rosa". -3º premio: Martín Moreira de 5º de Educación Infantil co seu "Paiaso con Globo". -3º premio: Izan Sabucedo de 1ºA coa súa "Triple-cabaza".
Non esquezades que o mércores, 30 de outubro, a partir das 17:00 horas, será a festa organizada pola ANPA e que cada ano mellora exponencialmente. Nela entregaranse os premios das cabazas. Feliz Samaín a todos/as!!!
Se queredes lembrar as festazas que montamos en cursos pasados, aquí tendes:
O programa de xoves talentos "Idol Kids", que en breve emitirá a canle de televisión "Tele 5", solicitou un casting para dúas rapazas de 5º de primaria que participaron no videoclip "Regueifando en Marín", durante a gala do Certame "Enreguéifate". As seleccionadas para envialo son: Fadwa El Obbouti e Sira Rodríguez. O programa estará presentado por Xesús Vázquez e contará con Isabel Pantoja, Edurne e Carlos Jean como xurado.
Agardamos que teñan moita sorte!!! Aquí podedes visualizalos:
Como sabedes, temos novos inquilinos/as no Carballal... e por moito tempo!!! Os nenos e nenas de 3 aniños (4º de Educación Infantil) comezan a adaptarse ao noso centro e xa forman parte da súa comunidade educativa. Recibímolos/as no blog cunha aperta enorme por medio deste fermoso vídeo que argallou Iria, a súa titora. Case todos/as están felices!!!
O alumnado de 2º de primaria vén de recibir tres premios no Festival Escolar e Universitario das Artes Audiovisuais “eMove Festival” que conta cun xurado de prestixio internacional pertencente a compañías como: Warner Bross, Clan Tv, Discovery, Paramount ou National Geographic.
O vídeo de corte literario “As praias de Marín”, recibiu o premio á mellor reportaxe para o 1º ciclo de primaria. Este traballo estaba baseado nunha serie de acrósticos de Eduardo Víctor Castro López.
A curta de stop motion “Maruxa”, recibiu o premio á mellor Curta de Animación do 1º ciclo de primaria e tamén o premio “Valores Humanos” que outorga o Humans Fest (Festival Internacional de Cine e Dereitos Humanos de Valencia).
Os traballos foron producidos durante o curso pasado cos mestres e mestras: Patricia Cacharrón, María González, Carlos Fuente, Olalla Paz e Víctor Castro.
A gala de entrega de premios foi na Cidade da Imaxe de Madrid (Kinépolis) o pasado sábado 19 de outubro e asistiron tres mestres do claustro do centro e un alumno representante: Lois Piñeiro Ucha.
Non podemos esquecer a nosa asistencia no ano 2017, na que tamén gañamos dous premios e á que asistimos un feixe de alumnos e alumnas do Carballal!!!
O venres 11 de outubro, no Teatro Principal de Compostela, celebrouse a gala "Enreguéifate", convocada polos Concellos de Teo, Ames e Santiago.
Os nenos e nenas de 5º de primaria lograron o premio á regueifa mellor cantada co videoclip "Regueifando en Marín", producido no curso pasado.
Acudiron dous mestres representantes e varios alumnos/as (Sira, Andrea, Gabriel e Izan) a recoller o recoñecemento.
A gala estivo presentada por persoeiros ben importantes como Séchu Sende e contou coa actuaciòn de García MC.
Aquí tedes un vídeo-resumo da xornada.
Para rematar esta entrada, queremos comentar que dous representantes do centro acudiron á gala do Ouff Escola de Ourense o pasado martes 1 de outubro, onde fomos finalistas con varios traballos audiovisuais producidos no curso pasado.
Non obtivemos ningún premio pero desfrutamos a escachar visualizando os proxectos gañadores.
Premendo nesta ligazón, poderedes miralos devagar.
O pasado mércores, 16 de outubro, comezou a andaina da Biblioteca Escolar para este curso 2019-2020. Como xa foi cantado, consistiu nunha apertura especial... O alumnado de 5º de primaria realizou unha retransmisión en falso directo dende a nosa canle de Youtube (gravado unha hora antes) que o resto dos nenos e nenas do Carballal puideron visualizar dende as súas aulas durante a franxa horaria do Plan lector. Escenificaron unha secuencia na que deron pescudas do PDI que levará a cabo toda a comunidade educativa durante este curso escolar. Premendo no seguinte vídeo podedes ver unha testemuña desta actividade destacada.
A mesma rapazada realizou, durante o resto da semana, unha actividade ben interesante con atrezzo incluído...
Visitaron as diferentes aulas do centro para animar ao alumnado a realizar visitas ao recuncho de Tambo para: ler, imaxinar, crear, xogar, construír, etc. Foi moi divertido!!!
Animádevos a inventar un título en galego para este PDI que quere arrincar con folgos e dádello ao voso titor ou titora antes do martes 29 de outubro.
O título gañador daráse a coñecer durante a celebración do Samaín o vindeiro mércores 30 de outubro.
Fixádevos ben nas pistas da retransmisión e na visita que vos fixeron...
Benvidos a todos e a todas ao curso 2019/2020! Supoñemos que depois dun verán ben longo, teredes a pila cargada para comezar unha nova aventura da man da tartaruga Tambo... Queremos inaugurar o blog con cinco novas: 1. O alumnado de 5º de primaria, acudiu o pasado sábado, 14 de setembro, ao FicBueu (Festival Internacional de Curtas de Bueu) no que foron finalistas da Sección Escolas Galegas (Educación Especial, Infantil e Primaria) co videoclip sobre a nosa vila: "Regueifando en Marín". A gala foi moi divertida e estivo dirixida por Beatriz Campos. Recibimos un lote de libros da Editorial Kalandraka pola nosa nominación e o gañador foi: "Pepiño e Maruxa" (C.E.I.P. de Guillarei). Queremos dar os parabéns a todos os creadores e creadoras dos traballos presentados a este certame, foran finalistas ou non!!!
Tivemos varias actividades enmarcadas no MiniFic da man de: Carpervek Trío (Cine Miúdo), Olalla González-Marc Taeger (Contos de Cine) e moitos sorrisos con Peter Punk Paiaso. O mellor foi a xornada de convivencia que tivemos pola vila de Bueu e no C.E.I.P.P. "A Pedra", que nos cedeu as súas instalacións para xogar un pouco. Deixamos un vídeo-resumo do noso paso polo FicBueu 2019 que agardamos sexa do voso agrado!!!
2. O pasado xoves, 19 de setembro, tivemos unha sesiòn de contacontos no recuncho de Tambo.
Estivo dirixida ao alumnado de 1º e 2º de primaria e enviouna a Editorial SM.
O contacontos, chamado Manuel, trouxo un feixe de sorpresas no seu maletín, incluso unha mascota. Dounos folgos para comezar o traballo deste curso!!! Tamén estivo a mascota Rasi, dos nosos libros: "La pandilla de la ardilla"...
Grazas a un chapeu máxico, puidemos contar os nosos contos e incluso tivemos unha actividade de debuxo.
3. O alumno de 4ºA de primaria, Teo Rivas Amado, fíxonos un fermoso agasallo artístico para o recuncho de Tambo. Aproveitando as súas dotes coa pintura elaborou este cuadro que, en breve, penduraremos na biblio... mil grazas tambeiro!!!
4. A animación de stopmotion "Maruxa", realizada o ano pasado polo alumnado que cursaba 1º de primaria, vén de recibir un segundo premio nun concurso nacional. Consiste no premio "Valores Humanos" do Humans Fest (Festival Internacional de Cine y Derechos Humanos). Da mesma maneira que "As praias de Marín", ten outro premio no concurso nacional eMove Festival.
5. Para rematar, queremos informar que debedes estar ben atentos a este blog porque, moi pronto, anunciaremos dunha forma ben especial o PDI que entre todos e todas faremos este curso. Mentres tanto, deixamos un vídeo-resumo das actividades máis destacadas que realizamos no PDI do ano pasado: "Marín, de todo un chisquín".
Este curso foi moi intenso e estivo anegado de actividades relacionadas coa nosa vila, ordenadas baixo o Proxecto Didáctico Integrado: "Marín, de todo un chisquín". Celebramos o Magosto con cestos marinenses, recreamos o noso pobo no Belén Navideño, representamos o Entroido de Marín, argallamos videoclips sobre o tema, fixemos un documental e moitísimas cousas máis que semellaban, ás veces, imposibles de rematar...
Deixámosvos unha testemuña audiovisual das actuacións do fantástico Festival de Fin de Curso celebrado os días 20 e 21 de xuño, así como un fragmento das Graduacións de Infantil e Primaria. Agardámosvos para unha nova aventura en setembro... Bo verán a todos e a todas!!!
A Real Academia Galega vén de publicar a listaxe de traballos realizados nos centros educativos no Día das Letras Galegas, adicado a Antón Fraguas, entre os que se atopa o noso. Podedes visualizalos na súa páxina web: "Primavera das Letras". Todos eles participan nun certame que fallará o premio (hai dous anos acadamos un deles co videoclip: "Casares-Tón") no mes de outubro.
O xurado do eMove Festival, concurso audiovisual escolar e universitario nacional, vén de publicar os premiados da súa 4ª edición e a data da gala de entrega de premios que será en Madrid o vindeiro sábado, 19 de outubro, ás 11:00 da mañá.
Hai dous cursos, tivemos dous gañadores na sección videoclips cos proxectos: "O cole que queremos" e "Casares-Tón" e este curso os agraciados son os alumnos e alumnas de 1º de primaria.
O primeiro traballo recoñecido corresponde á sección "Mellor curtametraxe de animación para o 1º ciclo de primaria" co stop motion sobre igualdade xénero, con música propia, inspirado na nosa vila e cun conto da Editorial OQO como punto de partida: "Maruxa".
O segundo agasallado é na sección "Mellor reportaxe para o 1º ciclo de primaria", co proxecto de corte literario gravado in situ: "As praias de Marín".
Os dous son en galego e pertencen ao PDI: "Marín, de todo un chisquín". Mil parabéns rapazada!!!
Un dos primeiros traballos do PDI deste ano foi o videoclip do alumnado de 4º de primaria: "Regueifando en Marín".
Acadou o premio ao mellor Olloboi de Arte e Música, mellor VideoGhit Infantil e Primaria, mellor Videoghit á Interpretación Musical (son propio), nominación ao mellor actor e é finalista no FicBueu (Sección Escolas Galegas-Educación Especial, Infantil e Primaria). Onte chegounos a noticia de que foi nomeado "regueifa mellor cantada" no Certame Enreguéifate.
Este foi o xurado:
Queremos dar os parabéns ao resto de gañadores/as. A gala de entrega de premios será o vindeiro venres, 27 de setembro, ás 20 horas, no Teatro Principal de Santiago de Compostela.
Daniel Arca, alumno de 2ºA, argallou unha marabillosa sesión de oratoria en galego, consistente nunha exposición sobre rochas e minerais por unha banda, e unha proposta de actividade na que os asistentes tiveron que recoñecer tres tipos de rochas, por outra. Aquí a tedes!!!
O alumnado de Educación Infantil, tivo unha sesión moi interesante no recuncho de Tambo.
A nai de Vera, que é persoal sanitario, acudiu ao Carballal para facer unha actividade enmarcada no PDI: "Marín, de todo un chisquín".
Aprendeunos a realizar un RCP (reanimación cardiopulmonar) por medio dun boneco e a chamar ao teléfono 061 nun caso de emerxencia. Moitísimas grazas pola visita!!!
