O traballo será proxectado co resto de finalistas o vindeiro domingo 10 de setembro ás 11:00 horas no Centro Social do Mar de Bueu e acto seguido a organización desvelará cal é o gañador.
A rapazada implicada (4º de Primaria do curso 2016-2017) pode asistir coas súas familias a este acto pero debe facer unha reserva con anterioridade chamando ao teléfono do colexio a partir do día 1 de setembro xa que hai un aforo limitado.
Ao longo do día haberá unha serie de actividades culturais para os máis pequechos: O Mago Paco co espectáculo "O Cinematómago", proxección dunha selección de curtas da Sección Familiar e "Contos de película" con Olalla González.
Podedes ver máis información premendo na seguinte ligazón:
https://www.ficbueu.com/es/escolas/
Moitos parabéns e sorte!!!