BENVIDOS AO CURSO 2024/2025 - FINALISTAS NO FICBUEU

Con esta entrada do blog queremos dar a benvida a todos e todas logo dun verán ben solleiro e necesario para cargar a pila e comezar con folgos unha nova aventura educativa... atrevédesvos a montar nun avión con este piloto e este copiloto?

O pasado mércores, 11 de setembro, comezamos as clases e como puidestes observar, o cole transformouse nun aeroporto que tiña a súa propia aerolínea: "Carballal Airlines".

Carballal Airlines 24.mp4

Cada nivel entrou pola súa porta de embarque, indicada na columna correspondente.

Os profes e profas ían disfrazados de pilotos, azafatas de voo e incluso de turistas.

Escoitamos tamén pola megafonía música relacionada con viaxes...

Mix Viaxes

Todo foi para darvos unha pescuda sobre a temática que terá o PDI deste curso... dádelle voltas á cachola a ver se o adiviñades pois, moi pronto, desvelaremos o segredo!!!

Por outra banda, informamos que o alumnado de 4º de Educación Primaria foi seleccionado finalista no FicBueu 2024 co videoclip "Corre por Marín", argallado no curso pasado.

Os outros dous finalistas son "A abelliña que perdeu as ás" (CEIPP A Pedra de Bueu) e "SOS Pokemon" (CEIP de Ardán de Marín).

A gala de entrega de galardóns será o vindeiro sábado, 21 de setembro, no Centro Social del Mar de Bueu e nela, dirán cal é o vídeo gañador.

Mil parabéns e moita sorte, rapazada!!!

Lembrade que aceptamos todos os animais que aparezan polo patio como pasaxeiros de "Carballal Airlines".

Os motores xa soan nas Viñas Blancas...

Despegamos!!!