DÍA DAS BIBLIOTECAS ESCOLARES

Esta semana celebrouse o Día Das Bibliotecas Escolares e temos unha boa nova para celebralo, malia que non teñamos aínda as nosas portas abertas.
Este ano contaremos con 2000 euros (PLAMBE) para mercar novos fondos bibliográficos grazas ao traballo que o Equipo de Biblioteca desenrolou no curso 2015-2016.
Parabéns a todos/as... e ide pensando en libros que vos gustaría ter no Recuncho de Tambo!!!

MEDITERRANEAMOS

O alumnado de 3º, 4º, 5º e 6º de Primaria disfrutou dunha actividade sobre a dieta mediterránea desenvolvida dentro do Plan Proxecta.
Ensináronnos un montón de cousas sobre os alimentos, fixemos unha brocheta riquísima e ata bailamos porque, non debemos esquecer, que unha boa dieta vai acompañada de actividade física.
Deixamos unha mostra dos cativos/as desfrutando e aprendendo a comer!

BENVIDOS AO CURSO 2016-2017

VISITA Á ILLA DE TAMBO

O ano pasado fixemos un traballo conxunto, todos os nenos/as do cole, sobre a illa de Tambo, no que investigamos sobre a súa flora, fauna, xeografía, historia, lendas, etc.
Como colofón a ese proxecto promovido pola biblioteca, hoxe puidemos visitar a illa para ver de primeira man o que alí hai.
Visitamos o destacamento militar, o merendeiro, o lazareto, a capela, o polvorín, desfrutamos da praia e dunha fermosa travesía en barco bordeando a illa e o seu faro de Tenlo.
Agardamos, dende o Recuncho de Tambo, que vos gustara a visita e esperamos voltar de novo con todo o alumnado, xa que por causas alleas ao cole e por seguridade, non puideron vir os cativos de Educación Infantil.
Deixamos aquí algunhas fotos das miles que hoxe se tiraron... somentes para que quede testemuña da nosa presencia en TAMBO.
Feliz verán e deica o próximo curso!!!

VISITA DE JUAN SAAVEDRA

Hoxe tivemos a visita de Juan Saavedra Reinaldo, tirador paralímpico de carabina de Pontevedra.
Quedamos abraiados da cantidade de premios que conseguiu.
Agardamos que teña moita sorte este verán!

FAIME CASIÑO

O alumnado de 4º de Primaria quere enviarvos unha mensaxe por medio desta canción con videoclip: botade crema para protexervos do Sol!!!
A letra foi composta por algúns nenos e nenas do cole que agora están en 6º e que xa marchan para o instituto.
Fixemos un novo arranxo musical... a ver se vos gusta e... feliz verán a todos/as dende o Recuncho de Tambo!!!

XADREZ PARA REFUXIADOS SIRIOS

Hoxe tivemos unha charla con Pablo García e Daniel Rivera da Escola de Xadrez Pontevedra.
Achegáronse ao Recuncho de Tambo grazas ao profe Yeray para contarnos en primeira persoa a súa incrible experiencia como voluntarios no campo de refuxiados sirios en Xordania "Azraq", un dos máis avanzados do mundo.
Estiveron 16 días alí ensinando xadrez. Aínda que semella de pouca importancia, este deporte xoga un papel fundamental na ocupación do tempo nos longos días alí...
Parabéns polo voso labor humanitario!!!

O MAGO PACO NO RECUNCHO DE TAMBO

O Mago Paco dounos unha boa lección sobre ciencia hoxe no Recuncho de Tambo!!!

EXPOSICIÓN DE INSTRUMENTOS MUSICAIS

Estamos a facer unha exposición de instrumentos musicais na aula de Música.

Pouco a pouco iremos subindo vídeos do noso alumnado.

Polo de agora temos:

-Aroa tocando o piano.

-Pablo coa súa trompeta.

-Pablo coa súa guitarra.

-Daira co seu violín.

Agardamos que vos gusten estes talentos!!!

PDI: "BECHOS"

Comezan a chegar ao "Recuncho de Tambo" moitos bonecos de bechos feitos polo alumnado...

Noraboa por estas creacións!!!

OLLOBOI 2016

O alumnado de 4º de Primaria e os nenos/as de 6º de Primaria que cursan a materia de Valores Sociais e Cívicos, asistiron á gala de entrega dos Premios Olloboi 2016, xa que dous dos catro vídeos presentados a este concurso audiovisual escolar foron seleccionados finalistas en diferentes categorías.
Eses dous vídeos forman parte do P.D.I. que este curso propuxo o Recuncho de Tambo e son dúas adaptacións audiovisuais de dous contos da nosa biblioteca.
Non gañamos nada pero... pasámolo de medo en Boiro nunha gala do máis divertido!!!
Ánimo a todos/as para seguir traballando nesta liña.

APADRIÑAMENTOS LECTORES CON BAILE

A rapazada de Educación Infantil pode disfrutar todos os venres da lectura dun conto por parte do alumnado de 6º de Primaria que leva asociado un baile final.
Gran traballo!

EXCURSIÓN A TAMBO

Animádevos e cumplimentade este cuestionario de sondaxe para que poidamos decidir se facemos a esperada visita á illa de Tambo.

Sería o colofón ao P.D.I. que desenrolamos o pasado curso no cole.

BIBLIOTECAS DE AULA

Hai uns anos, cando estabamos a facer expurgo, gardamos moitos libros para facer bibliotecas de aula.

Aquí temos a de 3ºB.

ULTIMANDO UN AGASALLO

Moi pronto teremos un agasallo do profe Yeray e da clase de 5ºA para o cole.

Poderemos usalo tamén no Recuncho de Tambo.

Que será?

TRABALLOS DE INGLÉS PARA O P.D.I.

Aquí temos un fermoso mural feito polo alumnado do cole na materia de Inglés relacionado coa temática do P.D.I. que este ano propuxemos dende o Recuncho de Tambo e que coincide coa do Salón do Libro de Pontevedra.

Agardamos que vos guste!!!

SAÍDA AO I.E.S. MESTRE LANDÍN

O alumnado de 5º de Primaria fixo a pasada semana unha saída ao I.E.S. Mestre Landín de Marín.

Recibíronnos con música, fixemos unha morea de actividades sobre o número Phi, compartimos patio con antigos alumnos/as deste centro e asistimos á estrea dunha obra de monicreques.

Algúns xa decidiron onde van estudar cando rematen no Carballal.

Foi unha mañá do máis entretida!!!

ACTO COMÚN CO GAIO DAS LETRAS GALEGAS

Hoxe celebramos o Día das Letras Galegas no cole cantando cancións coa profe Inés e recitando poemas de Manuel María que nos ensinou a profe Chus.
Rematamos o acto interpretando a nosa instrumentación do tema: "Galicia".
Aquí deixamos un pequeno testemuño!

PREMIOS OLLOBOI 2016

Obxectivo acadado, rapazada!!!

Podemos acudir á gala dos Premios Olloboi de Boiro o vindeiro sábado 28 de maio.

Temos tres nominacións:

-Olloboi Cómico con: "O Mosquito Federico".

-Olloboi DJ con: "O Mosquito Federico".

-Olloboi Online con: "Andrés Milpés".

Podedes ver toda a información na seguinte ligazón:
https://2016.olloboi.com/finalistas

Mil parabéns a todos/as os implicados/as!!!

PROGRAMA PARA O DÍA DAS LETRAS GALEGAS

Lembrade que o mércores, día 18 de maio, celebraremos o Día Das Letras Galegas co seguinte programa:

CANTAMOS A MANUEL MARÍA

Como homenaxe a Manuel María, no Día Das Letras Galegas, compuxemos unha canción sobre un poema moi coñecido deste notable escritor, amante de Galicia e do galego.

Practicade moito porque o vindeiro mércores, día 18 de maio, interpretarémola en directo todos os nenos e nenas do Carballal.

Agardamos que vos guste dende o Recuncho de Tambo!!!

Podedes atopar tamén a canción na seguinte ligazón:
http://www.lingua.gal/o-galego/promovelo/equipos-de-dinamizacion-da-lingua-galega/dia-das-letras-galegas

VIVINDO EN GALEGO

Marabilloso traballo conxunto dos centros de 

ensino do Morrazo para impulsar o emprego do 

galego!

EXPOSICIÓN DIDÁCTICA DO ALUMNADO DE 6º DE PRIMARIA

Onte tivemos unha marabillosa explicación no Recuncho de Tambo. 
O alumnado de 6º de Primaria quixo mostrarnos o ben que transmitiron coñecementos aos futuros mestres de Pontevedra a semana pasada.
Tamén nos recitaron algún poema de colleita propia!!

"O MOSQUITO FEDERICO"

Novo videoclip feito polo alumnado de 4º de Primaria inspirándose nun conto do Recuncho de Tambo: "O Mosquito Federico".
Agardamos que vos guste!!!

INTERCAMBIO DE LIBROS NA HONRA DE MANUEL MARÍA

Recordade que este venres día 29 de abril será o intercambio de libros no "Recuncho de Tambo".

Todos os nenos/as que trouxestes un libro, poderedes coller outro diferente para propagar e compartir cultura.

Teredes un agarimoso agasallo moi doce!

"O SEGREDO DE MOAD"

Nova curta sobre bullying realizada polo alumnado de 6º de Primaria na asignatura de Valores Socias e Cívicos.
Agardamos que vos guste!!!

VISITA Á CASA-MUSEO DE ROSALÍA

No Recuncho de Tambo disfrutamos moito co libro-disco "Rosalía Pequeniña" de Uxía Senlle e Magín Blanco.
Para afondar máis sobre a vida desta grande poetisa, o alumnado do Primeiro Ciclo de Primaria,  fixo hoxe unha saída a Padrón para visitar a súa Casa-Museo.
Para rematar a xornada tivemos unha visita guiada no xardín botánico.

CONTACONTOS CON MIGUEL ANXO ALONSO DIZ

Hoxe, os nenos e nenas do Primeiro Ciclo de Primaria, tivemos unha fermosa sesión de contacontos co escritor Miguel Anxo Alonso Diz.
Fixémoslle unha presentación especial xogando coas letras do seu nome.
Encantounos a actividade con luces na escuridade e mergullounos nas historias de tres dos seus contos.

 

 

 

 

 

 

 

 

 

 

PLAN DE MELLORA DE BIBLIOTECAS ESCOLARES DE GALICIA

O pasado venres, día 8 de abril, representamos ao "Recuncho de Tambo" nos encontros do Plan de Mellora de Bibliotecas Escolares de Galicia ao que pertencemos.
Aprendemos cousas novas sobre audiovisual con Seso Durán entre outros.

"ANDRÉS MILPÉS"

Videoclip realizado polos nenos e nenas de 4º de Primaria a partires dun conto do Recuncho de Tambo: "Andrés Milpés".

Agardamos que vos guste!

VISITA AO SALÓN DO LIBRO DE PONTEVEDRA

Hoxe fixemos unha visita ao Salón do Libro de Pontevedra que este ano leva por lema: "Canta bichería".
Os nenos/as de Infantil e do Segundo e Terceiro Ciclo de Primaria, puideron disfrutar de actividades de contacontos e dun roteiro guiado polo recinto.
Deixamos unha montaxe do profe Yeray sobre a visita e unha foto de Raquel Queizás narrando un contiño aos cativos/as de 5 anos!