NADAL 2024 - OUTRAS NOVAS

Este ano tivemos unha chea de actividades navideñas no Carballal, tal e como podedes observar neste vídeo-resumo!!!

O martes, 17 de decembro, foi o turno do tradicional Tren de Nadal organizado polo Concello de Marín que nos brindou un agradable paseo pola contorna da nosa vila.

O mércores, 18 de decembro, o alumnado de 6º de Educación Primaria, acudiu ao Centro de Día onde cantou panxoliñas tradicionais e recitou pareados navideños con humor aos seus usuarios, compartindo merendola con doces típicos desta época do ano, nunha entrañable velada.

Esa mesma mañá recibimos aos Reis Magos e ao Coro Evanxélico de Marín que felicitou ao noso dire polo seu aniversario a ritmo de música.

Alumnado e profesorado colaborou coa percusión na interpretación das pezas.

Fixemos un marabilloso Belén nun dos corredores, adornamos o cole coa axuda das familias e sacamos unhas instantáneas no photocall que argallou a ANPA "Viñas Blancas" na entrada principal do colexio.

Tamén compuxemos unha panxoliña baseada nun hit ben famoso ( "Voyage voyage" - Desireless) que gravamos nos Polos Creativos dos martes, alumnado e profesorado: "Viaxar, viaxar...".

Aquí tedes un karaoke!!!

Para finalizar, como colofón, festexamos por anticipado a entrada do ano 2025 comendo un gusaniño por cada badalada e gozando das actuacións de baile do alumnado, do acrosport preparado polo profe Carlos, con merendolas nas aulas e coa festa da ANPA durante a tarde que incluía unha chea de actividades como a actuación de "Fentos e Frouma" ou a visita de Papá Noel.

Nos Polos Creativos da semana, o alumnado de 3º de Educación Primaria, fedellou coa robótica do profe Lucas.

O xoves, 19 de decembro, o alumnado de 2º e 3º de Educación Primaria, recibiu novamente a Gonzalo, axente mediombiental, co que estamos a plantar un salgueiro dentro dos Polos Creativos relacionados co invernadoiro.

Por outra banda, Hugo Cao, alumno de 6ºB de Educación Primaria, acadou o 3º premio da categoría C do Concurso de Contos de Nadal organizado polo Ateneo "Santa Cecilia".

O venres, 20 de decembro, á tardiña, acudiu á recollida do galardón dotado con 20 euros... mil parabéns campión!!!

Os nenos e nenas de 6º de Educación Primaria tamén deixaron unha felicitación moi agarimosa aos profes...

Para rematar, o alumnado que compón o Equipo de Mediación, despediu á profa Vanesa pois, comeza unha nova etapa como Inspectora de Educación Accidental ata novo aviso.

Agardamos que lle vaia ben nesta nova andaina laboral e que goce con este chaleque que lle fixeron... agardámoste á volta no Carballal!!!

Bo Nadal e Feliz Ano 2025, tambeiros/as!!!

PLAN DIRECTOR - VISITA A CORREOS - BEATBOX CON SAMUEL - MINI MERCADO DE NADAL - GUÍAS DE LECTURA 2024 - DÁLLE AO COCO - TAMBO NAS ONDAS

Boas, tambeiros/as!!!

O pasado martes, 11 de decembro, o alumnado de 5º e 6º de Educación Primaria tivo unha charla cun membro da Policía Nacional (Rafa), dentro do Plan Director, relacionada cos perigos de internet.

A vindeira semana rematarán esta actividade formativa tan interesante.

O venres, 13 de decembro, o alumnado de 1º e 2º de Educación Primaria fixo unha saída a pé á Oficina de Correos de Marín.

Entregaron unha postal navideña elaborada na aula para as súas familias e tamén botaron as cartas para os Reis Magos.

Logo gozaron cunhas voltas ao tiovivo da Alameda Rosalía de Castro, cunha merendola e cun paseo polo Mercado.

Por outra banda, Samuel, alumno de 3ºA de Educación Primaria, mostrou aos seus compañeiros/as as súas habilidades cos sons corporais pois, é un gran beatboxer ao nivel do mismísimo Grison!!!

Tamén demostrou as súas dotes coa papiroflexia e deixounos este titorial.

O sábado, 14 de decembro, celebrouse o tradicional Mini Mercado de Nadal na carpa do Parque Eguren con postos para todas as ANPAS dos colexios do municipio.

O alumnado de 6º de Educación Primaria vendeu alí as súas manualidades elaboradas durante este mes para recaudar cartos para a excursión de fin de curso e... fixeron unha boa saca!!!

Os Equipos de Dinamización da Lingua Galega do Morrazo, dos que forma parte o noso cole, xa ten elaboradas as Guías de Lectura con recomendacións lectoras para este Nadal.

Aquí tedes as de Infantil, Primaria e Persoas Adultas por se queredes pedirlle un libriño aos Reis ou agasallar de xeito orixinal!!!

Para rematar, como sabedes, os enigmas matemáticos do "Dálle ao coco" levan un mes en funcionamento ciscados polos andares do colexio.

Podedes depositar as vosas respostas no buzón que hai na biblioteca.

O profe Lucas, artífice desta actividade, publicou xa os gañadores do pasado mes de novembro... parabéns aos implicados/as!!!

Tamén tedes o último programa de radio feito co alumnado de 4ºA de Educación Primaria, no que podedes atopar, entre outras cousas, unha divertida entrevista ao profe Carlos!!!

DÍA INTERNACIONAL DAS PERSOAS CON DISCAPACIDADE - CANCIÓN POLA PAZ - LECTURA E FAMILIAS - PANXOLIÑA - DECORACIÓN DE NADAL - OUTRAS NOVAS

O pasado martes, 3 de decembro, foi o Día Internacional das Persoas con Discapacidade (o termo "discapacitado/a" non debe ser empregado polo seu significado despectivo e non inclusivo).

Co gallo desa celebración, tivemos a visita de Marián, invidente que traballa na ONCE, durante a mañá do luns, 2 de decembro.

O alumnado de 1º e 2º de Educación Primaria aprendeu unha chea de cousas con ela na biblioteca.

O que máis lles gustou foi o Sistema Braille, que como sabedes, é un alfabeto táctil que serve para que as persoas cegas poidan ler.

Os profes Lucas e Carlos comezaron a traballar o Goalball co alumnado, grazas ao material emprestado polo Centro de Recursos da ONCE. 

Esta disciplina serve para abordar o deporte coas persoas sen visión por medio de axóuxeres que se colocan no interior dunha pelota.

Tedes tamén unha mestura de materiais interesantes relacionados con esta temática (curtas, películas, contos, etc) no Blog de Orientación da profa Vanesa.

Hai anos, tivemos a visita de Antonio Villanueva no Carballal, que nos deixou este fermoso vídeo informativo.

Co seu can guía, Dákar, puidemos rodar esta curtametraxe moi reflexiva na que a rapazada intenta transmitir que ás veces é preferible comportarse como animais!!!

Por outra banda, informamos que xa temos dispoñible o karaoke da canción que interpretaremos ao vivo no Día Escolar da Non Violencia e a Paz (30 de xaneiro de 2025): "Debuxando un mundo en paz".

Trátase dunha versión galega (feita nos Polos Creativos dos martes) do tema "Fields of gold" de Sting e está cantada pola profa Natalia... ide ensaiando porque é algo complexa, tambeiros/as!!!

O Equipo de Biblioteca botou a andar un ano máis o Programa Lectura e Familias que tanto éxito tivo nos dous cursos pasados.

Aquí tedes os pasos que debedes seguir se queredes participar nesta ocasión coas vosas familias... agardamos as propostas relacionadas co PDI viaxeiro deste curso: "Estende as túas ás"!!!

Con este karaoke podedes ensaiar a panxoliña que cantaremos polo Nadal, relacionada co PDI deste curso (versión galega do "Voyage voyage" de Desireless), antes de gravala coas vosas voces, tambeiros/as: "Viaxar, viaxar...".

E como se achega o Nadal, o Equipo de Actividades Complementarias e Extraescolares, solicita ás familias que colaboren coa decoración do Carballal con adornos argallados con material de refugallo para anegar todos os corredores.

Os motivos para cada nivel serán:

-Educación Infantil: bólas.

-1º e 2º de Educación Primaria: estrelas.

-3º e 4º de Educación Primaria: campás.

-5º e 6º de Educación Primaria: árbores.

Temos xa pendurado na canle de ivoox o podcast argallado polo alumnado de 3ºB de Educación Primaria nos Polos Creativos... contén uns chistes ben graciosos así que non volo perdades, tambeiros/as!!!

Na Aula de Música e Danza continuamos coas exposicións de instrumentos musicais por parte do alumnado cunha fantástica pandeireta feita á man da prestixiosa marca "Sanín".

Trúxoa Carmen, alumna de 5º de Educación Primaria, que forma parte do Grupo "Airiños de San Xulián".

Jose e Lucas (6ºB de Educación Primaria) presentaron tamén o carillón e a trompeta.

Lucas, aínda que acaba de comezar a tocar, xa forma parte da Banda de Salcedo.

Jose, aprendeu a tocar de forma totalmente autodidacta e deixounos abraiados coa súa interpretación!!!

Para rematar, a nosa coidadora, Eva Gutiérrez, presentou unha vez máis o seu libro de relatos "A discreta beleza dos tulipáns".

Foi na Libraría Paz de Pontevedra o pasado mércores, 4 de decembro, ás 19:30 na compaña do director da Editorial Galaxia e tivo unha grande afluencia de público.