DÍA INTERNACIONAL DA ELIMINACIÓN DA VIOLENCIA CONTRA AS MULLERES - APERTURA DA BIBLIOTECA - OBRADOIRO LITERARIO - VISITA DO SEQUELO - ACTIVIDADE MEDIOAMBIENTAL - CIRCO DE PINOCHO - CULTURGAL - DEBUXANDO UN MUNDO EN PAZ

O pasado luns, 25 de novembro, conmemoramos no Carballal o Día Internacional da Eliminación da Violencia contra as Mulleres.

O lema deste curso foi: "Que ninguén corte as túas ás".

Elaboramos un fermoso mural con photocall común con dúas ás ben grandes e na súa plumaxe había mensaxes que rexeitan a violencia machista. 

A rapazada de Educación Infantil tamén elaborou o seu propio mural, no que a palabra igualdade, escrita en varios idiomas, viaxa arredor do mundo en avións de diferentes cores.

Logo da lectura dun manifesto ben reivindicativo por parte de alumnado de 6º de Educación Primaria, interpretamos ao vivo a versión galega da canción de Amaral: "Saír correndo".

Todas as actividades estiveron relacionadas co PDI deste curso que, como sabedes... xa ten título oficial!!!

Aquí tedes un vídeo-resumo da xornada, tambeiros/as!!!

E o karaoke da canción!!!

Como colofón desta conmemoración, o recuncho de Tambo fixo a súa reapertura pois, demorouse por mor das obras no colexio.

Dende agora podedes acudir á biblioteca durante os recreos e na hora de cada titoría, así que... a ler moito!!!

O xoves, 28 de novembro, o alumnado de 6º de Educación Primaria gozou cun obradoiro literario na biblioteca co que ampliaron de xeito considerable os seus recursos á hora de relatar.

Foi impartido por Susana Arizaga, profesora do IES "Mestre Landín", instituto no que moitos seredes alumnos o vindeiro curso.

Ese mesmo día, recibimos ao alumnado de Educación Infantil do CEIP Sequelo.

Continuaron desenvolvendo actividades do seu proxecto común sobre México... cunha papadela ben rica e nutritiva!!!

Tamén asistiu ao cole un axente (Gonzalo Gamallo) para impartir unha sesión de Educación Medioambiental no exterior dedicada a todo o alumnado de 2º e 3º de Educación Primaria.

Aprenderon a sementar un salgueiro nas condicións óptimas de humidade dentro dos Polos Creativos dedicados ao invernadoiro.

O venres, 29 de novembro, todos os nenos e nenas do Carballal, asistimos a un pase exclusivo para centros de ensino do Circo de Pinocho que anda estes días pola nosa vila.

Pasámolo xenial cos e coas malabaristas, equilibristas, trapecistas, paiasos, ilusionistas, coa música... e co profe Martín!!!

Lembrámosvos que esta fin de semana lévase a cabo o Culturgal, no que podedes gozar en familia cunha chea de actividades e presentacións literarias e musicais en galego.

Aquí tedes a axenda completa.

A nosa madriña de biblioteca, Fina Casalderrey, presentará alí este libriño reeditado por Kalandraka, 25 anos depois!!!

Para rematar, deixamos unha primeira versión da canción que interpretaremos no mes de xaneiro co gallo do Día Escolar da Non Violencia e a Paz.

Boa finde, tambeiros/as!!!

OBRADOIRO DE STOP MOTION - MOCHILAS VIAXEIRAS - MANUALIDADES NAVIDEÑAS - POLOS CREATIVOS - SECCIÓN ROSA NAS ONDAS - REGUEIFANDO EN MARÍN - OUTRAS NOVAS

O pasado mércores, 20 de novembro, o alumnado de 6º de Educación Infantil tivo un obradoiro de Stop Motion na biblioteca.

Foi impartido polo CIM de Marín e a temática foi a violencia machista.

Elaboraron un storyboard e argallaron os personaxes con plasti e un pouco de axuda!

En breve, publicarán o produto final xunto co doutros coles... estamos moi ansiosos agardando a película!!!

Aquí temos unha curta ben fermosa que argallou alumnado do Carballal hai uns anos: "Maruxa".

Ese mesmo día, na sesión, os colaboradores de biblioteca (6º de Educación Primaria), repartiron polas aulas as mochilas viaxeiras deste curso... con nova imaxe!!!

Dentro, atoparedes catro libros, un caderno de relaxación para experimentar cos vosos pais e un segundo caderno no que tedes as normas de uso e no que podedes poñer algunha anotación persoal.

Gozade moito coa lectura na casa, tambeiros/as... e estendede as vosas ás!!!

Por outra banda, o martes, 19 de novembro, o alumnado de 6º de Educación Primaria recibiu formación cun obradoiro de manualidades para elaborar produtos que se venderán no Mercadillo de Nadal e servirán para recaudar fondos para a excursión de fin de curso.

Impartiuno Lorena e Elena, nais de Hugo Cao e Sara Carballal, ás que agradecemos enormemente a súa visita.

O mesmo fixeron o xoves, 21 de novembro, co compañeiro Pablo Márquez (alumno de 6ºB de Educación Primaria) que lles ensinou a facer un boneco navideño con dous calcetíns.

Mirade que ben quedaron!!!

O venres, 22 de novembro, remataron a actividade con Fanny (nai de Jairo) e a súa amiga Fátima.

Nesta ocasión fixeron unha chea de árbores e piruletas.

Nos Polos Creativos do venres, dedicados a construcción, o alumnado de 4º de Educación Primaria fixo unha actividade ben interesante e divertida coa profa Belén na biblioteca.

Tedes tamén o último programa de "Tambo nas Ondas" listo para escoitar que contén unha sección rosa anegada de chismes do Carballal.

Está elaborado polo alumnado de 4ºB de Educación Primaria durante os Polos Creativos do pasado martes, 19 de novembro.

Para rematar, informamos que continuamos coas exposicións de instrumentos na Aula de Música.

Nesta ocasión, o turno foi para o saxofón de Adela (6ºA de Educación Primaria).

Por certo, o Equipo de Dinamización da Lingua Galega, está argallando a actividade de "21 días co galego - e máis" deste ano, na que traballaremos frases e palabras típicas, incluso exclusivas, da nosa vila: Marín.

Tamén faremos homenaxe a un persoeiro e grande artista que finou en 2008 da nosa vila: John Balan.

John Balan ten incluso o seu nome nunha praza de Marín, tal e como nos contan estes alumnos do CEIP de Seixo.

Con Balan e Vladimir Dragossan coñecemos, hai anos, Galicia enteira viaxando na súa moto, grazas á Televisión no Balan/Vladimir Tour.

Mentres non nos dan máis información debemos aprender a letra e a melodía deste videoclip argallado por alumnado do Carballal do curso 2018/2019... para o carro, amodiño Vladimir!!!

Boa fin de semana e ensaiade moito para a actuación do vindeiro luns, 25 de novembro, Día Internacional da Eliminación da Violencia contra as Mulleres... os solistas xa están ultimando os derradeiros preparativos musicais!!!