DÍA INTERNACIONAL DA POESÍA 2025 - LECTURA E FAMILIAS - LETTERING NOS POLOS CREATIVOS - SAÍDA A AFUNDACIÓN - CURSO DE PRIMEIROS AUXILIOS - ENCONTROS PLAMBE - RADIO ESCOLAR

O pasado venres, 21 de marzo, festexamos o "Día Internacional da Poesía" no recuncho de Tambo baixo o lema: "Poesía na Maleta".

O alumnado voluntario de biblioteca de 5º e 6º de Educación Primaria pasou polas diferentes aulas recitando fermosos poemas cun atrezo ben bonito.

Tamén botaremos a andar, por segundo ano consecutivo, as "Portas Poéticas", coas que decoraremos as portas das aulas con marabillosas poesías.

Desenvolveráse durante a semana que vén e haberá premios para as máis bonitas!!!

Aquí tedes a Leyre e Carlota (5º de Educación Primaria) recitando un poema de Federico García Lorca, un dos poetas máis afamados da Literatura Española, asasinado en 1936: "Los reyes de la baraja".

E aquí tedes, musicado, o primeiro poema publicado por Manuel Curros Enríquez: "Cántiga".

O luns, 17 de marzo, gozamos cunha nova sesión do programa "Lectura e Familias" destinada ao alumnado de 5º de Educación Infantil con Yésica e Tania, nais de Alba e Grace.

Léronnos dous contos ben divertidos na biblioteca: "Esa fruta es mía" e "La jirafa Timotea".

Nos Polos creativos do venres, da man da profa Laura, arrincamos co obradoiro de LETTERING programado pola profa Belén, destinado ao alumnado de 4º de Educación Primaria.

A semana que vén continuarán os nenos e nenas de 6º de Educación Primaria con esta estupenda actividade.

Como sabedes, consiste na arte de debuxar letras para crear palabras e frases.

Mirade que chulada!!!

O alumnado de 4º de Educación Primaria tivo unha saída a Afundación durante a mañá do pasado mércores, 19 de marzo.

Viviron unha experiencia músico-teatral baseada na percusión a partir de material de refugallo da man do grupo Odaiko Percussion Group co espectáculo: "RRRedobra".

Ao rematar deron unha voltiña por Pontevedra.

O profesorado tivo un curso de primeiros auxilios na tardiña do martes, 18 de marzo, no que repasaron conceptos aprendidos hai dous anos sobre: queimaduras, atragantamentos, reanimación RCP ante unha parada cardio-respiratoria, etc.

Correu a cargo de Marcos (médico) e Ana (enfermeira), home e muller da profa Laura e Ismael respectivamente.

Acudiron de xeito desinteresado ao Carballal e queremos darlle as grazas por tanta sabiduría e por transmitirnos cousas tan importantes ante unha emerxencia.

No CEIP Otero Pedrayo de Amoeiro fixeron incluso unha canción en galego sobre a RCP con todos os pasos que debemos seguir. 

O xoves, 20 de marzo, a profa Chus, Coordinadora de Biblioteca, asistiu aos "Encontros Plambe" celebrados en Compostela, nos que aprendeu unha chea de cousas sobre o programa informático de xestión de fondos bibliográficos que moi pronto teremos no cole: KOHA.

Para rematar, lembramos que os podcast da nova radio escolar seguen a pendurarse na súa canle de iVoox.

Non esquezades visitala pois... xa hai un novo co alumnado de 6ºB de Educación Primaria que está macanudo!!!