DÍA INTERNACIONAL DAS PERSOAS CON DISCAPACIDADE - VISITA Á CADENA SER

O pasado mércores, 3 de decembro, foi o Día Internacional das Persoas con Discapacidade.

Dende o Departamento de Orientación argallouse unha actividade común ben fermosa.

Nun paraugas branco penduramos unha serie de dereitos que todos e todas temos por lei e o xeito que teñen as persoas con discapacidade para obtelos.

Cada aula escolleu un dereito fundamental e finalmente colgámolo nun dos andares do cole.

Queremos conciencia social e vontade política...

Por outra banda, esa mesma mañá, representantes do alumnado de 5º de Educación Primaria, saíron á sede da Cadena Ser en Pontevedra e coñeceron as súas instalacións.

Foi co gallo dos Premios José Hermida e a experiencia perdurará na nosa memoria pois aprendemos un feixe de técnicas de narración fronte ao micrófono.

Aquí tedes un vídeo publicado polo seu departamento de comunicación.

 

DÍA INTERNACIONAL DA ELIMINACIÓN DA VIOLENCIA CONTRA AS MULLERES

Esta semana fixemos unha chea de actos no Carballal cos que demostramos un total rexeitamento á violencia machista.

Alumnado solista de 5º de Educación Primaria da materia de Proxecto Competencial interpretou ao vivo no ximnasio a canción que argallaron para a ocasión: "Nunca máis".

Fixeron unha introdución cun pequeno manifesto acompanado de carteis e todo o cole coreou o retrouso.

Logo tivemos os xogos populares no exterior organizados polo Equipo de Actividades Complementarias e Extraescolares en dúas quendas: pano, botellas, corda, rá, petanca, etc.

Como sabedes, estes xogos quedaran adiados no Magosto.

O CIM do Concello tamén nos enviou un lapis para cada alumno/a cunha mensaxe ben directa: "O amor constrúese, non se controla".

Para rematar, os colaboradores de biblio acudiron ás aulas para ler contos relacionados con esta temática.

Había títulos ben coñecidos como: "Maruxa".

LECTURA E FAMILIAS - SAÍDA Á LAGOA DE CASTIÑEIRAS - RECOMENDACIÓN LECTORA

Boas tambeiros/as!!!

Comezamos esta entrada do blog anunciando a 3ª Edición do Programa "Lectura e Familias" no Carballal, organizado polo Equipo de Biblioteca.

Aquí tedes un tríptico con información!

Como sabedes, con esta proposta, as familias poden acudir ao cole para facer unha sesión de contacontos, unha charla, un obradoiro, etc... relacionado co PDI anual.

As sesións comezarán no mes de xaneiro pero xa podedes ir anotándovos por medio deste formulario.

Por outra banda, o alumnado de 5º de Educación Primaria, fixo unha das primeiras saídas deste curso á lagoa de Castiñeiras.

Alí fixeron un estupendo traballo de campo con recollida de información e incluso algunha representación con atrezzo incluído.

Para rematar, deixamos unha estupenda recomendación lectora.

Boa fin de semana!!!

TÍTULO DO PDI ANUAL: "SALPIMENTA O TEU MAXÍN" - MOCHILAS VIAXEIRAS

Boas tambeiros/as!!!

Logo de recibir unha chea de propostas de título para o proxecto deste ano, o xurado decidiu facer oficial o seguinte...

Aquí tedes outras suxerencias ben chulis!!!

Moitos parabéns a Thiago de 5ºA de Educación Primaria por agasallarnos con este título tan característico para o PDI 2025/2026: "Salpimenta o teu maxín".

Por outra banda, as colaboradoras de biblioteca (6º de Educación Primaria) repartiron durante a semana as Mochilas Viaxeiras.

Como sabedes, é unha actividade lectora dos Equipos de Biblioteca e Dinamización da Lingua Galega.

Dentro desas mochilas atoparedes libros moi interesantes para gozar en familia durante unha semana e un caderno no que podedes anotar as vosas impresións ou facer un debuxiño... nel tamén están as normas e o contido da mochila viaxeira.

MAGOSTO 2025 - TAMBO NAS ONDAS - ENCONTRO GALEGO DE CIBERSEGURIDADE - SEMANA DE JUDO - NUNCA MÁIS

O pasado xoves, 6 de novembro, festexamos o Magosto no colexio coa colaboración da ANPA "Viñas Blancas".

Trouxemos cestas relacionadas co PDI cociñeiro que temos este curso e había verdadeiras obras de arte.

Coma sempre, pintamos a nosa faciana con carbón e papamos unha chea de castañas!!!

Non puidemos facer os xogos populares no exterior por mor da meteoroloxía adversa pero quedan adiados para a vindeira celebración.

A semana que vén aprenderemos a canción do SaMagosto deste ano (versión de "The final countdown" - Europe) que argallou o alumnado de 4º de Educación Primaria na materia de Proxecto Competencial: "O teu pai non canta".

Por otra banda, nos Polos Creativos do martes, editáronse dous novos programas de "Tambo nas Ondas" co alumnado de 5º de Educación Primaria que son ben divertidos e podedes escoitar na canle de iVoox.

O alumnado de 6º de Educación Primaria acudiu a Compostela o pasado venres, 7 de novembro, no marco do Concurso "Encontro Galego de Ciberseguridade".

Aproveitaron a saída e pola tarde acudiron ao Museo de Historia Natural.

Durante a semana, na materia de Educación Física, gozamos con Judo.

Para rematar, deixamos a canción que interpretaremos o vindeiro 25N co gallo do Día Internacional da Eliminación da Violencia contra as Mulleres.

Trátase dunha versión de "Let it be" (The Beatles) e está basada nun relato de maltrato real do libro "Invisibles" (Montse Fajardo).

Argallouna o alumnado de 5º de Educación Primaria na materia de Proxecto Competencial.

Aquí tedes un karaoke coa voz da profa Natalia para que poidades ensaiar.

SAMAÍN 2025 - CONCURSO PARA O TÍTULO DO PDI ANUAL

O pasado xoves, 30 de outubro, festexamos o Samaín no Carballal e os profes estaban raros...

Viñemos disfrazados de ocasión e había moitos nenos e nenas que daban medo!!!

Tivemos a proxección das curtas de medo propostas polo Equipo de Dinamización da Lingua Galega no ximnasio e houbo unha chea de premiados pois... o nivel deste ano foi ben alto con moita participación das familias.

Premede na seguinte instantánea se queredes visualizalas.

Parabéns a todos os participantes e ao presentador que era moito mellor que Gayoso!!!

O alumnado de 5º de Educación Primaria proxectou na biblioteca as súas curtas argalladas no cole... alí había tamén contos de terror seleccionados nun andel.

Na Aula de Música gravamos unha canción de SaMagosto co alumnado de 4º de Educación Primaria (Proxecto Competencial) que pronto aprenderemos todos/as.

Pola tarde foi a festa da ANPA "Viñas Blancas" co seu marabilloso túnel do terror e unha chea de actividades maléficas.

Por outra banda, os colaboradores de biblioteca foron polas aulas durante a semana para explicar o concurso de título do PDI anual... participade, tambeiros!!!

Boas minivacacións!!!