O pasado venres, 10 de marzo, visitounos Carmen Castro, mestra xubilada que estivo 34 anos no Carballal de forma ininterrompida, batendo o record de permanencia neste centro.
A actividade está enmarcada no 8M e tamén no PDI "50 anos argallando", pois ela é unha das persoas que máis sabe das Viñas Blancas e da súa transformación co paso do tempo.
Plantou chícharos (5 anos), leitugas (3 anos) e amorodos (4 anos) coa rapazada de Educación Infantil na aula STEAM... e díxonos un paxaro que tamén ten plantado aguacates co seu alumnado no pasado.
Logo cantaron e recitaron algúns versos.
Plantaron un camelio na entrada do colexio co gallo do 50 aniversario e ela puxo a semente de honra... quen mellor!
Agardamos que siga ergueito, polo menos, outros tantos anos máis!
Deixamos aquí 5 vídeos dedicados a ela no curso que se xubilou nos que, de seguro, vos atopades moito máis cativos.
1. A súa despedida cun corredor de agarimo.
2. O videoclip que argallaron os seus derradeiros alumnos: "Piolliños".
3. O programa de tv "Ruxerruxe nas Ondas", no que, de cara ao final, aparecen moitas máis sorpresas para ela: poemas, cancións, etc.
Un millón de grazas pola túa visita supermestra... e pola pegada que deixaches neste cole!
