DÍA DA PAZ 2025 - INAUGURACIÓN DOS 21 DÍAS CO GALEGO - TEATRO EN AFUNDACIÓN - POLOS CREATIVOS - RECOLOCACIÓN DE FONDOS - LECTURA E FAMILIAS - XORNADA DE PORTAS ABERTAS

O pasado xoves, 30 de xaneiro, celebramos o "Día Escolar da Non Violencia e a Paz" no Carballal.

Traballamos a simboloxía relacionada con esta temática e expuxemos os produtos polos corredores, portas e aulas.

Tamén gozamos con contos de paz grazas aos colaboradores de biblioteca de 5º de Educación Primaria e con algún cómic.

Alumnado de 4º, 5º e 6º de Educacion Primaria, baixo o lema "Estende a túa paz", deleitáronnos cuns bailes de paz aderezados con flores.

Como broche final, logo de escoitar un manifesto pacifista por parte de representantes de cada aula, interpretamos ao vivo a canción: "Debuxando un mundo en paz". 

Aproveitamos tamén para cantarlle ao profe Lucas que estaba de aniversario... parabéns!!!

O venres, 31 de xaneiro, camiñamos unha milla arredor do colexio coas nosas camisolas, logo de cortar unha banda inaugural baixo o lema: "Estende o galego".

A actividade celebrouse co gallo da inauguración do proxecto no que nos atopamos inmersos este curso: "21 días co galego e +"... que nos fixo bailar de novo a "Muíñeira de Raquel".

Blog 21 días co galego e +

O luns, 27 de xaneiro, o alumnado de 5º e 6º de Educación Primaria, acudiu ao Teatro Afundación de Pontevedra para gozar cunha obra de teatro.

O título era "My funny Frankenstein", da Compañía Face2Face e estaba en inglés pois... somos un centro plurilingüe!!!

Nos Polos Creativos do luns, o alumnado de 1ºA de Educación Primaria elaborou a súa guitarra midi co profe Lucas.

Escoitade que ben soa!!!

Tamén están dispoñibles os últimos podcast de "Tambo nas Ondas" argallados polo alumnado de 2ºB e 1ºA  de Educación Primaria.

Por outra banda, os colaboradores de biblioteca están a traballar na recolocación dos fondos bibliográficos por orde alfabética durante os recreos.

O alumnado de 5º de Educacion Infantil tivo unha sesión de "Lectura e Familias" o pasado mércores, 29 de xaneiro, na aula.

Acudiu Manuel, pai de Lucas, e leunos o conto "O incrible barco do Capitán Marco".

O pasado martes, 28 de xaneiro, pola tarde, tivemos a 1ª Xornada de Portas Abertas á que acudiron unha chea de familias para coñecer o Carballal.

Para rematar, queremos darlle os nosos parabéns ao profe Carlos que comezou unha nova etapa como pai... aí van uns agasallos para a súa pequecha!!!