PORTAS POÉTICAS - CLUB DE LECTURA - SAÍDA A APÍPOLIS - CHARLA SOBRE MENORES CONECTADOS - LECTURA E FAMILIAS TRIBUTARIO - ACTIVIDADE XOGADE

Esta semana tivemos a derradeira actividade que organizamos co gallo do Día da Poesía no Carballal.

Trátase das tradicionais "Portas poéticas" e houbo grandes obras de arte plástico-literarias... mirade que marabilla!!!

O vindeiro xoves, 23 de abril (Día do Libro), saberemos os gañadores.

Moita sorte a todos os participantes e non teñades medo porque non hai tongo... o xurado (formado por alumnado de 5º de Primaria) está a seguir estes estrictos criterios de avaliación!!!

Por outra banda, houbo Club de Lectura na biblioteca cos nenos e nenas de 5ºB de Educación Primaria.

Traballaron arreo sobre este libro e en breve farán unha actividade común con 5ºA.

O alumnado do 1º Ciclo de Primaria tamén tivo unha saída didáctica moi divertida o martes ata ben entrada a tardiña.

Foron a Apípolis e gozaron un mundo aprendendo cousinas das abellas e o mel.

O mércores pola tarde tivemos un obradoiro formativo chachi piruli para familias sobre "Menores Conectados", impartida por persoal da Xunta de Galicia e solicitada polo colexio.

Tivemos a sorte de que nos escolleran, pois había praza só para 250 centros galegos!!!

No marco do programa "Lectura e Familias", o alumnado de 6º de Primaria, tivo unha charla coa nai de Elsa (traballa na Axencia Tributaria) e aprendemos o importante que é pagar impostos e ser un bo ciudadano.

Para rematar, os cativos de 4º de Primaria tiveron unha actividade XOGADE na mañá do venres con nenos/as doutros centros educativos da nosa vila.

Foi no campo de San Pedro e tivo moito éxito.