Este xoves, 1 de maio, é a data na que se celebran os "Maios e Embarcacións" na nosa vila, tal e como nos conta Julio Santos nesta entrevista realizada por alumnado de cursos pasados.
Coñecedes a canción máis mítica desta festa composta por Luis Emilio Batallán con letra de Manuel Curros Enríquez?
En 1º de Educación Primaria fixeron algunha actividade de manualidade na aula, como estes fermosos puchos!!!
Por se queredes argallar un mini-maio na casa, aquí tedes un titorial.
Agardamos que asistades ao concurso que se celebrará na Alameda "Rosalía de Castro" pois, vai haber verdadeiras obras de arte e coplas ben bonitiñas.
Por outra banda, nos Polos Creativos da semana, o alumnado de 3ºB de Educación Primaria gozou con xogos ben divertidos na Aula STEAM.
Deixamos tamén a curtametraxe-documental musical "Voltar" por se queredes botarlle unha ollada!!!
Está inspirada na entrevista que lle fixeron hai unhas semanas ao profe Víctor dende a UCLM e que podedes mirala completa premendo no vídeo.
Para rematar, informamos que logo da suspensión da actividade lectiva o pasado martes por mor do apagón, a proba de AVALIA de 4º de Educación Primaria desa xornada, pasa para o vindeiro luns, 5 de maio.
